અજબ ગજબ / હવે સિગ્નલ તોડવાવાળા લોકોને રોકશે કરીના કપૂર, ટ્રાફિક પોલીસવાળા તો ગજબ આઇડિયા લઈ આવ્યા

• દિલ્હી પોલીસે તેના અધિકારીક ટ્વિટર હેન્ડલ પરથી એક નાનું મિમ ક્લિપ શેર કર્યું
• હાલ આ મિમ ક્લિપ સોશ્યલ મીડિયામાં ઘણી વાયરલ થઈ રહી છે
• એ મિમ ક્લિપમાં એક ગાડી ઘણી સ્પીડથી ટ્રાફિક સિગ્નલને તોડતી નજર આવે

દિલ્હી પોલીસ વારંવાર અલગ અલગ વિષયો પર નાગરિકોની જાગૃતતા વધારવા માટે અને સોશ્યલ મીડિયા દ્વારા સૂચનાત્મક સંદેશ ફેલાવવા માટે નવા નવા પેંતરા અજમાવતી રહે છે. હાલ દિલ્હી ટ્રાફિક પોલીસના ટ્રાફિક નિયમોનું પાલન ન કરનાર લોકો માટે દિલ્હી પોલીસે એક નવો વિડીયો સોશ્યલ મીડિયા પર શેર કર્યો છે. દિલ્હી પોલીસ એક અજબ રીતે ટ્રાફિક નિયમોનું પાલન કરવાનો સંદેશ લોકો સુધી પંહોચાડ્યો છે. 

દિલ્હી પોલીસની અજબ રીત 
દિલ્હી પોલીસે તેના અધિકારીક ટ્વિટર હેન્ડલ પરથી એક નાની મિમ ક્લિપ શેર કરી છે. જે લોકો રેડ સિગ્નલ હોવા છતાં સિગ્નલ તોડીને ગાડી ચલાવે છે અને લોકોના જીવને જોખમમાં મૂકે છે એના માટે આ મિમ શેર કરવામાં આવ્યું છે. એ મિમ ક્લિપમાં એક ગાડી ઘણી સ્પીડથી ટ્રાફિક સિગ્નલને તોડતી નજર આવે છે અને આગળ નીકળી જાય છે. એ સમયે ટ્રાફિક સિગ્નલની લાલ લાઇટ પર ફિલ્મ 'કભી ખુશી કભી ગમ' ની કરીના કપૂર તેના 'પૂ' અંદાજમાં ડાયલોગ બોલે છે કે ' યે કોન હૈ જિસને પૂ કો દુબારા મૂડ કે નહીં દેખા'. 

Who's that traffic violator?

Poo likes attention, so do the traffic lights !#RoadSafety#SaturdayVibes pic.twitter.com/ZeCJfJigcb

— Delhi Police (@DelhiPolice) July 16, 2022

દિલ્હી પોલીસનું ટ્વિટ 
હાલ આ મિમ ક્લિપ સોશ્યલ મીડિયામાં ઘણી વાયરલ થઈ રહી છે અને લોકોને ઘણી પસંદ આવી રહી છે. આ મિમ ક્લિપ સાથે દિલ્હી પોલીસે ટ્વિટ કર્યું છે કે, ' આ ટ્રાફિક સિગ્નલનું ઉલ્લંઘન કરવા વાળ કોણ છે? પૂ ને અટેન્શન પસંદ છે એમ ટ્રાફિક લાઇટને પણ અટેન્શન પસંદ છે. 

Drive with a seatbelt on to avoid seeing the stars and the challan.⚠️#DelhiPolice #DelhiTrafficPolice #DilKiPolice pic.twitter.com/dQH2Hh0k8w

— Delhi Traffic Police (@dtptraffic) July 12, 2022

આ પહેલા નાસાની તસવીર શેર કરી હતી 
આ પહેલા પણ દિલ્હી પોલીસ 12 જુલાઇના રોજ નાસાની બ્રહ્માંડની તસવીર શેર કરી હતી જે સીટબેલ્ટ પહેરલ એક વ્યક્તિની છબીને દર્શાવતી હતી. એ મિમ પણ ઘણું વાયરલ થયું હતું અને લોકોને ઘણું પસંદ આવ્યું હતું.