કરીના કપૂર જોડે આજે ભલે કરોડોની સંપત્તિ છે પરંતુ એક સમય એવો હતો જ્યારે તેની પાસે કોલેજ જવા માટે પૈસા ન હતા.
કરીનાએ લક્ઝરી લાઈફ માટે કર્યો છે ખૂબ સંઘર્ષ
લોકલ ટ્રેનમાં કર્યો છે સફર
પેતો જ એક ઈન્ટરવ્યૂમાં કર્યો હતો ખુલાસો
બોલિવુડ એક્ટ્રેસ કરીના કપૂર ખાન મોટાભાગે પોતાના પોસ્ટના કારણે ચર્ચામાં રહે છે. કરીના કપૂર પોતાની માતા અને મોટી બહેન કરિશ્મા કપૂરની ખૂબ જ નજીક છે. તેણે એક ઈન્ટરવ્યૂ વખતે જણાવ્યું હતું કે તેનો ઉછેર કઈ રીતે થયો છે.
કરીનાએ કહ્યું હતું કે તેનો અને કરિશ્માનો ઉછેર તેની સિંગલ મધર બબીતા કપૂરે કર્યો હતો અને તે સમયે તેઓ સામાન્ય લોકોની જેમ પબ્લિક ટ્રાન્સપોર્ટનો ઉપયોગ કરતા હતા. કરીનાએ એમ પણ કહ્યું કે એક સમય એવો હતો કે જ્યારે તેનો પરિવાર ડ્રાઈવરનો ખર્ચ ઉપાડી શકે તેમ ન હતો.
માતા અને બહેને કર્યો ખૂબ સંઘર્ષ
એક ઈન્ટરવ્યુ દરમિયાન કરીના કપૂરને એક પ્રશ્ન પૂછવામાં આવ્યો હતો કે શું તે પણ તેના પિતરાઈ ભાઈ રણબીર કપૂરની જેમ માને છે કે તેનો જન્મ લક્ઝરી વાતાવરણમાં થયો હતો. કરીનાએ જવાબ આપ્યો, 'મને લક્ઝરી લાઈફમાં લાવવામાં આવી નથી. જવું કે લોકો કપૂર પરિવાર વિશે વિચારે છે. મારી માતા બબીતા અને બહેન કરિશ્માએ મને સારું જીવન આપવા માટે ખરેખર સંઘર્ષ કર્યો છે. ખાસ કરીને મારી માતા કારણ કે તે સિંગલ મધર હતી. અમારા માટે બધું ખૂબ લિમિટેડ હતું.
લોકલ ટ્રેનમાં કોલેજ જતી હતી કરીના
કરીના કપૂરે વધુમાં કહ્યું, 'હું લોકલ ટ્રેનમાં કોલેજ જતી હતી. મેં બીજા બધાની જેમ સ્કૂલ બસમાં મુસાફરી કરી છે. અમારી પાસે કાર હતી અને ડ્રાઈવરને ચૂકવવા માટે અમારી પાસે એટલા પૈસા નહોતા. માતાએ મારો ઉછેર એવી રીતે ઉછેર્યો છે કે આજે આપણી પાસે જે પણ છે. તે બધી વસ્તુઓને અમે ખૂબ મહત્વ આપીએ છીએ. અમે બહુ ખરાબ દિવસો જોયા છે.