આગામી વર્ષે ઓસ્ટ્રેલિયામાં થનારા ICC મહિલા અને પુરુષ T-20 વર્લ્ડ કપ ટૂર્નામેન્ટની ટ્રોફીનું કરિના કપૂર ખાન અનાવરણ કરશે. કરિના કપૂરે આ અંગે વાત કરતા કહ્યુ કે, ''હું ભાગ બનીને સન્માનિત મહેસૂસ કરું છુ.'' કરિના દિવંગત ભારતીય ક્રિકેટર અને પૂર્વ કેપ્ટન મંસૂર અલી ખાન પટૌડીની વહુ છે.
ICC મહિલા અને પુરુષ T-20 વર્લ્ડ કપ ટૂર્નામેન્ટનું આયોજન આગામી વર્ષે ઓસ્ટ્રેલિયામાં કરવામાં આવશે.
આ પ્રતિષ્ઠિત ટૂર્નામેન્ટની ટ્રોફીનું ઉદઘાટન પટૌડી ખાનદાનની વહુ તથા બોલિવૂડ એક્ટ્રેસ કરિના કપૂર કરવાની છે. આ પ્રસંગે એક્ટ્રેસે કહ્યું હતું કે ,'' તે એ સાંજનો હિસ્સો બનીને તેને પોતાની પર ગર્વ થઈ રહ્યો છે. તે એ તમામ મહિલાઓનો ઉત્સાહ વધારવા ઈચ્છે છે, જે પોતાના દેશ માટે રમે છે. તેમને આ રીતે આંતરરાષ્ટ્રીય મંચ પર જોઈને સશક્તિકરણનો અહેસાસ થાય છે. ''
આ સિવાય કરિના કપૂરે મંસૂર અલી ખાન પટૌડી અંગે કહ્યુ હતુ કે, ''તેના સ્વર્ગીય સસરા ભારતના મહાન ક્રિકેટર્સમાંથી એક હતાં. આ ટ્રોફીનું અનાવરણ કરવું તેના માટે સન્માનની વાત છે. ''
2020મા ઓસ્ટ્રેલિયામાં યોજાનાર ICC મેન્સ ટુર્નામેન્ટ 18 ઓક્ટોબરથી 15 નવેમ્બર અને મહિલા ટૂર્નામેન્ટ 21 ફેબ્રુઆરીથી 8 માર્ચ સુધી રમાશે.