કરીના કપૂર ભલે કેઝ્યુઅલ લુકમાં સ્પોટ થાય પણ તેની સ્ટાઈલ એવી હોય છે કે, બધાં ઈમ્પ્રેસ થઈ જાય છે. આ વખતે પણ બેગમ કરીના પોતાના પતિ સૈફ અલી ખાન અને દિકરા તૈમૂર સાથે સ્પોટ થઈ તો તેનો લુક એવો હતો જે કોઈ સામાન્ય યુવતીને પણ સ્ટાઈલિશ લુક આપે. પણ કરીનાના લુકને કોપી કરવા માટે તેના કપડાઓની કોપી શોધવી પડશે.
હકીકતમાં કરીના જે કપડાં પહેરે છે તેની કિંમત એટલી હોય છે કે, સામાન્ય યુવતી તેને ખરીદી જ ન શકે. હવે બેબો હાલમાં જ બહેન કરિશ્માના ઘરે જતાં સ્પોટ થઈ હતી અને ત્યાં તેણે બ્લેક ટી-શર્ટ પહેરી છે જે જોવામાં સાવ સામાન્ય 200 રૂપિયાની હોય એવી દેખાય છે. પરંતુ અમેરિકી-ઈરાની ફેશન ડિઝાઈનર Mike Amiriના બ્રાન્ડ AMIRIની બ્લેક ટી-શર્ટ કરીનાએ પહેરી હતી.
બેબોની આ રાઉન્ડ નેક ટી-શર્ટ પર બેક પર બ્રાન્ડનું નામ અને ફ્રંટમાં સ્લોગન- 'A Life Beyond Your Wildest Dream' લખેલું હતું. આ હાફ સ્લીવ ટી-શર્ટ સાથે કરીનાએ વ્હાઈટ સ્ટ્રેટ ફિટ જીન્સ પહેરી હતી અને બ્રાઉન બ્લોક હીલ્સ કેરી કરી હતી.
કરીનાએ આ લુકને કેઝ્યુઅલ રાખી મેસી હાઈ બન બનાવ્યું હતું. સાથે જ તડકાંથી આંખોને બચાવવા માટે બ્લેક સ્ટાઈલિશ ગોગલ્સ પણ પહેર્યા હતા. જોકે, બેબોએ તેના પાઉટને હાઈટલાઈટ કર્યો હતો. જેના માટે તેણે બ્રાઈટ રેડ કલરની લિપસ્ટિક લગાવી હતી.
હવે સિંપલ દેખાતી આ ટી-શર્ટની કિંમત 423 ડોલર છે. એટલે કે, ભારતીય કરન્સીમાં તેની પ્રાઈસ લગભગ 31,000 રૂપિયાની આસપાસ છે. તમે ઓનલાઈન પણ આ ટી-શર્ટ ખરીદી શકો છો. જો તમારે આ ટી-શર્ટ ખરીદવી હોય તો 30,000થી વધુની રકમ ખરીદવાની તૈયારી રાખજો.