બોલિવૂડ એક્ટ્રેસ કરીના કપૂર ખાનએ હાલમાં જ ઈન્સ્ટાગ્રામ પર એક વર્ષ પૂરું કર્યું છે. જેથી આ ખાસ અવસર પર કરીનાએ એક ખાસ વીડિયો શેર કર્યો છે, જે વાયરલ થઈ રહ્યો છે.
કરીના કપૂર ખાનએ હાલમાં જ ઈન્સ્ટાગ્રામ પર એક વર્ષ પૂરું કર્યું
આ ખાસ અવસર પર કરીનાએ એક ખાસ વીડિયો શેર કર્યો છે
આ વીડિયો થઈ રહ્યો છે વાયરલ
એક્ટ્રેસે 1 વર્ષ પહેલાં ધમાકેદાર અંદાજમાં ઇન્સ્ટાગ્રામ પર એન્ટ્રી કરી હતી. હવે જ્યારે કરીનાને સોશિયલ મીડિયા પ્લેટફર્મનો ઉપયોગ કરતાં એક વર્ષ થઈ ગયુ છે તો તેણે ખૂબ જ શાનદાર અંદાજમાં તેની ખુશી સેલિબ્રેટ કરી છે. કરીના કપૂરએ ઇન્સ્ટાગ્રામ પર એક વર્ષ પૂરું થઇ ગયું છે જેની ખુશીમાં તેણે એક પોસ્ટ શેર કરી છે. જેને જોયા બાદ ફેન્સ પણ ખૂબ રિએક્શન અને કમેન્ટ્સ કરી રહ્યાં છે.
કરીનાએ માર્ચ 2020માં ઈન્સ્ટાગ્રામ જોઈન કર્યું હતું. એવામાં તેનાં પર્સનલ અને પ્રોફેશનલ પોસ્ટનો આ વીડિયો બનાવી તેણે શેર કર્યો છે. જેમાં એક્ટ્રેસની ઇન્સ્ટાગ્રામ પર એક વર્ષની જર્ની જોવા મળી રહી છે, પણ આ બધાની વચ્ચે ફેન્સને લાગી રહ્યું હતું કે કરીના તેના બીજા બાળકની તસવીર પણ આ વીડિયોમાં શેર કરશે, પરંતુ એવું કંઈ થયું નહીં અને ફેન્સ કરીનાને તેના બીજા બાળકની ઝલક દેખાડવાની રિક્વેસ્ટ કરવા લાગ્યા.
કરીનાની આ પોસ્ટ પર તેનાં ઘણાં ફેન્સે બીજા બાળકની તસવીરને લઈને સવાલ કર્યા.કરીના અને સૈફ અલી ખાને ગત મહિને એટલે કે ફેબ્રુઆરીમાં તેમનાં બીજા બાળકનું સ્વાગત કર્યું હતું. 21 ફેબ્રુઆરીએ તેમના બીજા બાળકનો જન્મ થયો હતો. વર્ષ 2016માં કરીનાએ તેના પહેલાં બાળક તૈમૂરને જન્મ આપ્યો હતો. તૈમૂરના જન્મ બાદથી જ તે પાપારાઝીનો ફેવરિટ સ્ટારકિડ બની ગયો. તૈમૂર જ્યાં પણ જતો ફોટોગ્રાફર્સ તેની એક તસવીર ક્લિક કરવા પડાપડી કરે છે. તૈમૂરની તસવીરો હમેશાં સોશિયલ મીડિયા પર છવાયેલી રહે છે.