કરીના કપૂરની આ દિવાળી ખૂબ જ ખાસ છે કારણ કે તે ટૂંક સમયમાં તેના બીજા બાળકને જન્મ આપવાની છે. આ ખાસ અવસર પર કરીના સૈફ અને તૈમૂર ધર્મશાળા રજાઓ માણવા ગયા છે. સાથે જ મલાઈકા અરોરા અને અર્જુન કપૂર પણ એ લોકોની સાથે દિવાળી સેલિબ્રેટ કરવા ધર્મશાળા પહોંચ્યા છે. ધર્મશાળાથી આ લોકોના ફોટોઝ અને વીડિયો વાયરલ થઈ રહ્યાં છે. કરીના અને મલાઈકા ધર્મશાળાના રસ્તાઓ પર ફરતા જોવા મળી રહ્યાં છે.
કરીના, સૈફ, મલાઈકા અને અર્જુન સાથે રજાઓ પર નીકળ્યા
આ વીડિયોમાં કરીના કપૂર, સૈફ અલી ખાન, અર્જુન કપૂર, મલાઈકા અરોરા અને તૈમૂર ધર્મશાળાના રસ્તાઓ પર ફરતા જોવા મળી રહ્યાં છે. જ્યારે ફેન્સ આ લોકોનો વીડિયો બનાવી રહ્યાં છે. વીડિયોમાં કરીના વ્હાઈટ જેકેટમાં જોવા મળી રહી છે. જ્યારે મલાઈકાએ ગ્રીન કલરનો જંપસૂટ પહેર્યો છે. એક્ટ્રેસના આ વીડિયો પર લોકો ખૂબ કમેન્ટ્સ કરી રહ્યાં છે અને મલાઈકા અને અર્જુન સાથે હોવા પર ચર્ચાઓ થઈ રહી છે અને લોકો પ્રતિક્રિયા આપી રહ્યાં છે.
કરીનાના વર્કફ્રંટની વાત કરી તો એક્ટ્રેસ ટૂંક સમયમાં ફિલ્મ લાલ સિંહ ચઢ્ઢામાં જોવા મળશે. કરીનાની સાથે ફિલ્મમાં આમિર ખાન પણ મુખ્ય ભૂમિકામાં છે. કરીનાએ હાલમાં જ લાલ સિંહ ચઢ્ઢાનું શૂટિંગ પૂરું કર્યું છે. જેનાથી જોડાયેલા ફોટો અનેવીડિયો પણ સોશિયલ મીડિયા પર વાયરલ થઈ રહ્યાં છે. આ ફિલ્મ આવતા વર્ષે ક્રિસમસ પર રિલીઝ થશે.