બોલિવૂડના નવાબ સૈફ અલી ખાને ગઈકાલે એટલે કે 16 ઓગસ્ટે 50મો બર્થડે સેલિબ્રેટ કર્યો. રવિવારે તેણે પોતાના જીવનના 50 વર્ષ પૂરા કરી લીધા. આ અવસર પર તેની પત્ની કરીના કપૂર ખાને એક ખાસ ભેટ આપી છે. જેનો વીડિયો કરીનાએ તેના સોશિયલ મીડિયા એકાઉન્ટ પર શેર કર્યો છે, જે ખૂબ વાયરલ થઈ રહ્યો છે.
કરીનાએ સૈફના 50મા જન્મદિવસ પર પતિને આપેલી સ્પેશિયલ ગિફ્ટની એક ઝલક શેર કરી છે. કરીનાએ ઈન્સ્ટાગ્રામ પર પોસ્ટ શેર કરીને લખ્યું- જન્મદિવસની શુભેચ્છાઓ. મૈં સૈફના 50મા બર્થડે પર એક ખાસ વીડિયો બનાવ્યો હતો. જેમાં તેની લાઈફના 50 વર્ષોની મેમરી સામેલ કરવાનો પ્રયાસ કર્યો છે. મૈં રાતે સૈફને વીડિયો બતાવ્યો. આ 22 મિનિટનો વીડિયો છે. જોકે, તેમ છતાં મને લાગે છે હજી ઘણું બધું કહેવાનું બાકી છે. હું એ વીડિયોની એક ઝલક શેર કરી રહી છું. આમાં એ વીડિયોની 50 તસવીરો છે. આ વીડિયો અમારા દિલની ઘણું જ નજીક છે.
કરીનાએ આગળ લખ્યું- મારો પ્રેમ, જન્મદિવસની ખૂબ ખૂબ શુભેચ્છા. તે 50 વર્ષમાં 50 અલગ-અલગ પાત્ર ભજવ્યા છે અને જિંદાદિલીથી જીવન જીવ્યું છે. તમને જણાવી દઈએ કે, સૈફે કરીના સાથે બીજા લગ્ન કર્યા છે. તેની પહેલી પત્ની અમૃતા સિંહ હતી, જેનાથી સૈફને બે બાળકો સારા અલી ખાન અને ઈબ્રાહિમ અલી ખાન પણ છે.