કરીના કપૂર ખાને 16 ઓક્ટોબર 2012એ સૈફ અલી ખાન સાથે લગ્ન કર્યા ત્યારથી લઈને અત્યાર સુધીની તેની જર્ની ઘણી જ કમાલની રહી છે. આ બંનેને એક ક્યૂટ દીકરો તૈમૂલ અલી ખાન પણ છે. જે તેની નટખટ હરકતો અને ક્યૂટનેસને કારણે તે બધાંનો ફેવરિટ બની ચૂક્યો છે.
કરીનાએ 16 ઓક્ટોબર 2012એ સૈફ અલી ખાન સાથે કર્યા હતા લગ્ન
પ્રેગ્નેન્ટ હોવાની 'ગુડ ન્યૂઝ' સૌથી પહેલાં પતિને આપી
તૈમૂરના જન્મ પછી તેના નામને લઈને સર્જાયો હતો વિવાદ
કરીના કપૂરે તેની પ્રેગ્નેન્સીથી લઈને અત્યાર સુધીનો સમય ઘણો જ એન્જોય કર્યો છે. કરીનાએ પ્રેગ્નેન્સીમાં ત્યાં સુધી કામ કર્યું જ્યાં સુધી તે કરી શકતી હતી. તે પ્રેગ્નેન્સી દરમિયાન ફેશન શોઝમાં જોવા મળી હતી અને તેણે ઘણાં ફોટોશૂટ પણ કરાવ્યા. આમ તો કરીના તેની પ્રેગ્નેન્સીના સમયના મોટાભાગના રહસ્યો જણાવી ચૂકી છે, પરંતુ શું તમે જાણો છો કે, તે પ્રેગ્નેન્ટ છે આ વાત તેણે સૌથી પહેલાં કોઈ જણાવી હતી. નહીં ને તો ચાલો જણાવી દઈએ તમને.
કરીનાએ સૌથી પહેલાં 'ગુડ ન્યૂઝ' પતિને આપી હતી
કરીના થોડાં જ સમયમાં ફિલ્મ 'ગુડ ન્યૂઝ'માં એક પ્રેગ્નેન્ટ છોકરીનો રોલ પ્લે કરતાં જોવા મળશે. હાલ તે ફિલ્મના પ્રમોશનમાં બિઝી છે અને એક પ્રમોશનલ ઈવેન્ટમાં તેણે જણાવ્યું કે તેણે પ્રેગ્નેન્ટ હોવાની ન્યૂઝ સૌથી પહેલાં પતિ સૈફ અલી ખાનને જણાવી હતી. ઉલ્લેખનીય છે કે તૈમૂરના જન્મ પછી તેના નામને લઈને પણ ઘણો વિવાદ સર્જાયો હતો.
તૈમૂરના નામને લઈને થયો હતો વિવાદ
જી હાં, આજે બધાં તૈમૂરની ક્યૂટનેસના દિવાના છે. પણ જ્યારે સૈફ અલી ખાને તેના નામની જાહેરાત કરી ત્યારે ઘણાં સમુદાયના લોકોએ વિરોધ કર્યો હતો અને એવી દલીલ કરી હતી કે સૈફ અલી ખાન પોતાના દીકરાનું નામ એવા વ્યક્તિ પર કેવી રીતે રાખી શકે છે, જેણે એક સમયે ભારત પર હુમલો કર્યો હતો. આ બધાં વિવાદો બાદ પણ સૈફ અને કરીનાએ તેમના દીકરાનું નામ તૈમૂર અલી ખાન જ રાખ્યું.