Ex કપલ રહી ચૂકેલા કરિના કપૂર અને શાહિદ કપૂર, હવે પોતાની જિંદગીમાં એકદમ ખુશ છે, કરિના પોતાનાથી 10 વર્ષ મોટા સૈફ અલી ખાન સાથે જ્યારે શાહિદે મીરા સાથે લગ્ન કરી દીધા છે. બ્રેકઅપ પછી આજ દિવસ સુધી પાછું વળીને એકબીજાને સામે જોયુ નથી કે નથી સાથે કોઇ ફિલ્મ કરી. એવોર્ડ ફંક્શનમાં ભેગા થાય તો પણ સામે જોવાનું ટાળે છે.
તાજેતરમાં જ ધ કપિલ શર્મા શોમાં કરિના કપૂર પોતાની અપકમિંગ ફિલ્મ ગૂડ ન્યૂઝનું પ્રમોશન કરવા માટે પહોંચી હતી. કરિના સાથે ફિલ્મની સ્ટાર કાસ્ટ અક્ષય કુમાર, કિયારા અડવાણી અને દલજીત દોસાંઝ આવ્યા હતા.
વાસ્તવમાં સોશ્યલ મીડિયા પર એક વીડિયો વાયરલ થઇ રહ્યો છે જેમાં શાહિદ-કરિના એકબીજાના સામ સામે આવી ગયા છે. વાસ્તવમાં શાહિદને જોઇને કરિના હસવા લાગી હતી. જોકે કબીર સિંહના ગેટ અપમાં આવેલો એક્ટર શાહિદ કપૂર નહીં પરંતુ ચંદન પ્રભાકર હતો. ચંદન પ્રભાકર જે શોમાં મોટેભાગે ચંદુનો રોલ પ્લે કરે છે, તે કબીર સિંહના લૂકમાં જોવા મળ્યો.
ખિલાડી અક્ષય કુમારના ફેનપેજ દ્વારા એક વીડિયો શૅર કરવામાં આવ્યો છે. જેમાં જોઇ શકાય છે કે ચંદનને શાહિદ કપૂર બનેલો જોઇને કિયારા તો ઠીક કરિના પોતાનું હસવાનું રોકી શકી ન હતી.
ઉલ્લેખનીય છે કે, ધ કપિલ શર્મા શોના 100 એપિસોડ પૂરા થવાના છે. અક્ષય ગુડ ન્યૂઝની સ્ટાર કાસ્ટ સાથે હાજર રહેશે. આ શોમાં અક્ષય, અર્ચના તેમજ કપિલ સહિત આખી ટીમની મજાક ઉડાવતો જોવા મળશે.
ડિરેક્ટર રાજ મહેતા અને કરણ જોહર દ્વારા પ્રોડ્યુસ આ ફિલ્મ 27 ડિસેમ્બરના રિલીઝ થવા જઇ રહી છે. આ ફિલ્મમાં 2 કપલની સ્ટોરી છે. જે IVF ટેક્નોલોજીથી પેરેન્ટ્સ બનવાની તૈયારી કરી રહ્યા છે અને પછી ખબર પડે છે કે તેમના સ્પર્મ એક્સચેન્જ થઇ ગયા છે. આ ફિલ્મ કોમેડી અને મસ્તીથી ભરપૂર છે.