દુનિયાભરમાં પ્રખ્યાત એવા ફેશન ડિઝાઈનર મનિષ મલ્હોત્રાએ તાદેતરમાં જ હૈદરાબાદમાં આયોજીત બ્લેન્ડર્સ પ્રાઈડ ફેશન ટૂરમાં વેડિંગ કલેક્શનની રજૂ કર્યું હતું.
આ કલેક્શનને ‘સમર વેડિંગ 2020’ હેઠળ રજૂ કરવામાં આવ્યું હતું. કરિના કપૂર ખાન તથા કાર્તિક આર્યન ફરી એકવાર મનિષ મલ્હોત્રા માટે શો-સ્ટોપર્સ બન્યા હતાં. આ પહેલાં વર્ષ 2018માં બંને સિંગાપોરમાં થયેલા મનિષ મલ્હોત્રાના શોમાં શો-સ્ટોપર બન્યાં હતાં.
ફેશન શોમાં કાર્તિક આર્યન તથા કરિના કપૂર ખાન વ્હાઈટ આઉટફિટમાં જોવા મળ્યાં હતાં. કરિના તથા કાર્તિક વ્હાઈટ આઉટફિટમાં રોયલ લાગતા હતાં. કરિના કપૂર ખાન સિલ્વર લહેંગા તથા ચોલીમાં હતી. કરિનાએ હેરકટ કરાવ્યા હતાં. કાર્તિક આર્યન પર્લ વ્હાઈટ કુર્તા તથા મેચિંગ ધોતી પેન્ટમાં હતો.
ઉલ્લેખનીય છે કે પહેલી ફેબ્રુઆરીના રોજ કરિનાની ફોઈના દીકરા અરમાન જૈનની મહેંદી સેરેમની હતી પરંતુ એક્ટ્રેસ તેમાં શામેલ થઈ શકી નહોતી. કાર્તિક હાલમાં ‘લવ આજ કલ’ના પ્રમોશનમાં બિઝી છે પરંતુ તેણે ખાસ મનિષ મલ્હોત્રા માટે સમય ફાળવ્યો હતો.
વર્કફ્રન્ટની વાત કરવામાં આવે તો કરિના કપૂર ખાન ગૂડ ન્યૂઝમાં જોવા મળી હતી, આ ફિલ્મ માટે તેણે ફિલ્મ ફેર બેસ્ટ એક્ટ્રેસના એવોર્ડ માટે નોમિનેશન મળ્યુ છે. આ સિવાય કરિનાના અપકમિંગ પ્રોેજેક્ટની વાત કરવામાં આવે તો એક્ટર આમિર ખાનની ફિલ્મ ‘લાલ સિંહ ચઢ્ઢા’, ઈરફાન ખાન સાથે ‘અંગ્રેજી મીડિયમ’ તથા કરણ જોહરની ‘તખ્ત’માં જોવા મળશે. આ સિવાય કાર્તિક આર્યન પોતાની અપકમિંગ ફિલ્મ લવ આજ કલ ના પ્રમોશનમાં બિઝી છે.14 ફેબ્રુઆરીએ ઈમ્તિયાઝ અલીની ફિલ્મ ‘લવ આજ કલ’માં તે સારા અલી ખાન સાથે જોવા મળશે. આ ઉપરાંતે તે ‘ભૂલભુલૈયા 2’માં પણ કામ કરી રહ્યો છે.