આજકાલ બોલિવૂડ એક્ટ્રેસ કરીના કપૂર ઘણી જ વ્યસ્ત છે. તેની ફિલ્મ 'ગુડ ન્યૂઝ' હવે ટૂંક જ સમયમાં રિલીઝ થવાની છે, જેથી તે આ ફિલ્મના પ્રમોશનમાં વ્યસ્ત છે. એક દિવસ પહેલાં તે એક સ્ટોર લોન્ચિંગ ફંક્શનમાં સામેલ થવા બેંગલુરુ પહોંચી હતી. આ દરમિયાન તેનો એક વીડિયો ઘણો વાયરલ થઈ રહ્યો છે, જેમાં તે તેના કઝિન ભાઈ અરમાન જૈનની રોકા સેરેમની માટે બેંગલુરુ એરપોર્ટ પર જ તૈયાર થતાં જોવા મળી રહી છે.
વીડિયોમાં કરીનાની ટીમ તેને ફંક્શન માટે તૈયાર કરી રહી છે. મેકઅપ આર્ટિસ્ટ અને હેર સ્ટાઈલિસ્ટ બેબોને તૈયાર કરવામાં વ્યસ્ત છે. ત્યારે લાલ રંગના ટ્રેડિશનલ ડ્રેશમાં કરીના હાથમાં મિરર લઈને પોતાને જોઈ રહી છે.
તમને જણાવી દઈએ કે, કરીનાનો કઝિન ભાઈ અરમાન જૈન તેની ગર્લફ્રેન્ડ અનિશા મલ્હોત્રા સાથે લગ્ન કરવા જઈ રહ્યો છે. તેણે વર્ષ 2014માં 'લેકર હમ દિવાના દિલ'થી બોલિવૂડમાં ડેબ્યૂ કર્યું હતું. કરીનાના વર્ક ફ્રન્ટની વાત કરીએ તો તે ગુડ ન્યૂઝ સિવાય ઈરફાન ખાન સાથે ફિલ્મ 'અંગ્રેજી મીડિયમ'માં અને કરણ જોહરની મલ્ટી સ્ટારર ફિલ્મ 'તખ્ત'માં પણ કામ કરી રહી છે.