કરીના કપૂર હોળી પાર્ટી બાદ પોતાના ઘર તરફ જઇ રહી હતી ત્યારે જ એના કેટલાક પ્રશંસકોએ એને સેલ્ફી માટે ઘેરી લીધી જેના કારણે કરીના ખૂબ જ ગુસ્સે થઇ ગઇ અને આ ફેન્સ પર ભડકી ઊઠી.
બોલીવુડ એક્ટ્રેસ કરીના કપૂર ખાનનો એક વીડિયો ઇન્ટરનેટ પર ખૂબ ચર્ચામા છે. સોશ્યલ મીડિયા પર વાયરલ થઇ રહેલા આ વીડિયોમાં કરીના ખૂબ ગુસ્સામાં જોવા મળી રહી છે. વાસ્તવમાં, કરીના કપૂર હોળી પાર્ટી બાદ પોતાના ઘર તરફ જઇ રહી હતી કે ત્યારે જ એના કેટલાક પ્રશંસકોએ એને સેલ્ફી માટે ઘેરી લીધી જેના કારણે કરીના ખૂબ જ ગુસ્સે થઇ ગઇ અને આ ફેન્સ પર ભડકી ઊઠી. જો કે ત્યારબાદ એને બંને છોકરીઓ સાથે ફોટો પડાવી લીધો અને બાદમાં એના ઘર તરફ પરત ફરી.
પરંતુ કરીનાનો આ વીડિયો સોશિયલ મીડિયા પર ચર્ચાનો વિષય બની ગયો છે. વાયરલ વીડિયો પર હવે એને અલગ અલગ કમેન્ટ પણ આવી રહી છે. જેમાં કેટલાક લોકો એના આવું કરવા પર ભડકી રહ્યા છે. એક્ટ્રેસની એના ફેન્સને લઇને આવી પ્રતિક્રિયા આપવા પર લોકો અલગ અલગ પ્રકારની કમેન્ટ્સ આપીને પ્રતિક્રિયા આપી રહ્યા છે. કેટલાક લોકો એના વર્તન પર ખરાબ ખોટું કહી રહ્યા છે તો બીજી બાજુ કેટલાક લોકો એનું સમર્થન પણ કરી રહ્યા છે. સોશિયલ મીડિયા પર આ વીડિયો ફોટોગ્રાફર વિરલ ભયાણીએ શેર કર્યો છે, જે ખૂબ જ વાયરલ થઇ રહ્યો છે.
વાયરલ થઇ રહેલા વીડિયો પર એક યૂઝરે પ્રતિક્રિયા આપતા લખ્યું, 'મને તો સમજાતું જ નથી કે આ મહિલાઓ એની સાથે ફોટો લેવા માટે આટલી ભલામણ જ કેમ કરી રહી છે. તો બીજા એક યૂઝરે લખ્યું, 'એ હંમેશા રુડ હોતી નથી. વાત બસ એટલી છે કે આપણે હંમેશા ફોટો લેવાના મૂડમાં હોતા નથી એવી રીતે એને પણ થાક મહેસૂસ થતો હશે. અને એ મહિલાઓને જોવો જે ફોટો લેવા ઇચ્છે છે જોઇને લાગી રહ્યું છે કે એ કરીનાની ઉપર કૂદકો મારી દેશે. આ જોઇને કોઇને ફણ ગુસ્સો આવી જાય.'
વર્કફ્રંટની વાત કરીએ તો કરીના જલ્દીથી ઇરફાન ખાન અને રાધિકા મદાનની સાથે 'અંગ્રેજી મીડિયમ'માં નજરે આવવાની છે, જે આ મહિનાની 13 તારીખે રિલીઝ થવાની છે. આ ઉપરાંત એ આમિર ખાન સ્ટાર લાલ સિંહ ચડ્ઢામાં પણ જોવા મળશે.