મલાઈકા અરોરા અને અર્જુન કપૂર બોલિવૂડના સૌથી ચર્ચિત કપલમાંથી એક છે. બંનેની લવ લાઈફ ખૂબ જ ચર્ચામાં રહે છે. સોશિયલ મીડિયા પર પણ બંને એકબીજા પ્રત્યે પોતાનો પ્રેમ વ્યક્ત કરવાની તક ચૂકતા નથી. આ સાથે જ બંનેએ ગોવામાં એક સાથે નવા વર્ષની ઉજવણી કરી. નવા વર્ષ નિમિત્તે મલાઇકા અરોરાએ અર્જુન કપૂર સાથે એક ફોટો શેર કર્યો હતો, જેમાં બંને રોમેન્ટિક પોઝ આપતા જોવા મળ્યા હતા. આ બંનેની આ તસવીર ફક્ત તેમના ફેન્સમાં જ નહીં પણ તેમના ફ્રેન્ડ્સને ખૂબ પસંદ આવી રહી છે. ત્યારે કરીના કપૂર ખાને પણ મલાઈકા અને અર્જુનના આ ફોટો પર કમેન્ટ કરી છે.
મલાઈકા અરોરા અને અર્જુન કપૂર બોલિવૂડના સૌથી ચર્ચિત કપલમાંથી એક છે
વા વર્ષ નિમિત્તે મલાઇકા અરોરાએ અર્જુન કપૂર સાથે એક ફોટો શેર કર્યો
કરીના કપૂર ખાને પણ મલાઈકા અને અર્જુનના આ ફોટો પર કમેન્ટ કરી છે
મલાઇકા અરોરાએ અર્જુન કપૂર સાથે જે ફોટો શેર કર્યો છે તેમાં બંને એક સાથે બેસીને કેમેરા તરફ પોઝ આપતા જોવા મળી રહ્યાં છે. ફોટો શેર કરતી વખતે મલાઇકાએ કેપ્શનમાં લખ્યું છે- 'એક નવી પરોઢ, એક નવો દિવસ, આ નવું વર્ષ છે'. મલાઇકા અને અર્જુનના આ ફોટા પર કમેન્ટ કરતા કરીના કપૂર ખાને લખ્યું - 'મારા બે ફેવરિટ, આજે મેનુમાં શું છે?' અર્જુન અને મલાઇકાના આ ફોટો પર કરીના કપૂર ઉપરાંત સંજય કપૂર અને તેની વાઈફ મહિપ કપૂરે પણ કમેન્ટ કરી છે.
મલાઈકા-અર્જુનના આ ફોટોને અત્યાર સુધીમાં લાખોથી વધુ લાઈક્સ મળી છે. ગોવામાં મલાઈકાના બોલ્ડ સ્ટાઈલની ખૂબ ચર્ચા થઈ રહી છે. હાલમાં જ મલાઈકાએ તેનો એક અન્ય ફોટો શેર કર્યો છે. જેમાં તે પૂલમાં મસ્તી કરતા જોવા મળી રહી છે. બ્લેક બિકિનીમાં મલાઈકાનો આ બોલ્ડ અવતાર જોઈને ફેન્સમાં ખૂબ ચર્ચા થઈ રહી છે. મલાઈકાના આ ફોટા પર કમેન્ટ્સ કરીને તેના ચાહકો આ હોટ અવતાર પર પોતાની પ્રતિક્રિયા આપી રહ્યાં છે. દરેક વ્યક્તિને તેની સ્ટાઇલ ખૂબ પસંદ આવી છે.
તમને જણાવી દઈએ કે, મલાઈકા અરોરા ક્રિસમસ અને ન્યૂયરના સેલિબ્રેશન માટે પરિવાર સાથે ગોવામાં છે. નવા વર્ષની શરૂઆતમાં મલાઈકા અરોરાએ બોયફ્રેન્ડ અર્જુન કપૂર સાથે તસવીર શેર કરી છે. મલાઈકા અને અર્જુન હવે પોતાના પ્રેમને ખુલીને સ્વીકારી રહ્યાં છે. મલાઈકા અરોરા અને અર્જુન કપૂરની સાથે ગોવામાં એક્ટ્રેસની બહેન અમૃતા અરોરા અને તેનો પતિ શકીલ લદ્દાક તેમજ બાળકો છે. સાથે જ પૂરા પરિવાર અને અર્જુન કપૂર સાથેની તસવીર પોસ્ટ કરી હતી.