હાલમાં જ પેપરાઝીને કરીનાની ગાડી દ્વારા ઈજા થતા કરીના ડ્રાઈવર પર ગુસ્સે થઈને ચીસો પાડવા લાગી હતી. જુઓ વીડિયો
મલાઈકાની તબિયત જાણવા પહોંચી હતી કરીના
પેપરાઝીને ઈજા થવા પર કરીનાને આવ્યો ગુસ્સો
ડ્રાઈવર પર ચીસ પાડી ઉઠી કરીના
કરીના કપૂરની બેસ્ટ ફ્રેન્ડ મલાઈકા અરોડા ઈજાગ્રસ્ત થયા બાદ આરામ કરી રહી છે. શનિવારે તેમનો કાર એક્સિડન્ટ થઈ ગયો હતો. મલાઈકાને તરત જ હોસ્પિટલ લઇ જવામાં આવી હતી, જ્યાં તેમને પછીના દિવસે ડિસ્ચાર્જ કરાઈ હતી. તે અત્યારે પોતાના ઘરમાં જ છે. મલાઈકાને જોવા તેની બહેન અમૃતા અરોડા અને અર્જુન કપૂર પહોંચ્યા હતા. સોમવારે કરીના પણ મલાઈકાની તબિયત જાણવા માટે તેના ઘરે ગઈ હતી. ત્યાં પહેલાથી જ પેપરાઝી હાજર હતી. આ વચ્ચે જ એક પેપરાઝીને કરીનાની કારથી ઈજા થઇ, તો એક્ટ્રેસ નારાજ થઇ ગઈ.
કરીના ડ્રાઈવર પર થઇ ગુસ્સે
કરીના જેવી ગેટની બહાર નીકળી કે તેમનો ફોટો અને વીડિયો લેવા માટે પેપરાઝીની લાઈન લાગી ગઈ. આ જ વચ્ચે એકને પગમાં વાગે છે અને એ પડી જાય છે. કરીના તેને કહે છે કે ધ્યાન રાખ યાર. તે આગળ ડ્રાઈવર પર પણ ગુસ્સો કરે છે અને ચીસ પડીને કહે છે કે પાછળ જાઓ યાર.
પેપરાઝીને શું કહે છે કરીના?
કરીનાએ ત્યારે પેપરાઝીને કહ્યું કે આવી રીતે ભાગ્યા ન કરો, શા માટે ભાગો છો? સેલેબ્રિટી ફોટોગ્રાફર વિરલ ભયાનીએ આ વીડિયોને શેર કરતા લખ્યું છે કે પેપરાઝી હોવાની બીજી બાજુ એ પણ છે કે સેલેબ્રિટીને કેપ્ચર કરવામાં જોખમ રહે છે. જ્યારે કરીના કપૂર મલાઈકા અરોડાનાં ઘરથી નીકળી રહી હતી, ત્યારે આપણા એક સાથી છોકરાનો પગ તેમની કાર નીચે આવી ગયો.
ઓટીટી ફિલ્મ કરી રહી છે કરીના
કરીનાની અપકમિગ ફિલ્મોની વાત કરીએ તો તે આમિર ખાન સાથે 'લાલ સિંહ ચડ્ઢામાં જોવા મળશે. ફિલ્મનું ડાયરેકશન અદ્વૈત ચંદને કર્યું છે. આ ફિલ્મ 11 ઓગસ્ટનાં રોજ રિલીઝ થશે. આ ઉપરાંત કરીના પાસે નેટફ્લીક્સની પણ એક ફિલ્મ છે, જેનાં નિર્દેશક સુજોય ઘોષ છે. કરીના સાથે આ ફિલ્મમાં જયદીપ અહલાવત અને વિજય શર્મા મુખ્ય ભૂમિકાઓમાં છે.