IPLIN
 
  • Home
  • India
  • karauli violence bjp yuva morcha nyay yatra tejasvi surya

BIG NEWS / રાજસ્થાનમાં BJPનું હલ્લાબોલ: ન્યાય યાત્રા કરી રહેલા ભાજપ કાર્યકર્તા પર લાઠીચાર્જ, 200 જણાની અટકાયત

Team VTV 05:18 PM, 13 Apr 22
Follow us
karauli violence bjp yuva morcha nyay yatra tejasvi surya

રાજસ્થાનના કરૌલી જિલ્લામાં 2 એપ્રિલે થયેલી હિંસાને લઈને ભાજપની ન્યાય યાત્રા દૌસા-કરૌલી બોર્ડર પર અટકાવી દેવામાં આવી હતી. પોલીસે બેરિકેડીંગ કરીને ભાજપ કાર્યકર્તાઓને રોક્યા હતા.

  • રાજસ્થાનમાં ભાજપનું ઉગ્ર આંદોલન 
  • કરૌલી હિંસાને લઈને પોલીસ અને કાર્યકર્તા વચ્ચે ઘર્ષણ
  • 200થી વધારે કાર્યકર્તાની કરવામાં આવી અટકાયત

 

રાજસ્થાનના કરૌલી જિલ્લામાં 2 એપ્રિલે થયેલી હિંસાને લઈને ભાજપની ન્યાય યાત્રા દૌસા-કરૌલી બોર્ડર પર અટકાવી દેવામાં આવી હતી. પોલીસે બેરિકેડીંગ કરીને ભાજપ કાર્યકર્તાઓને રોક્યા હતા, જે બાદ પોલીસ સાથે સંઘર્ષ બાદ તેમના સાથીઓએ ભારે હોબાળો મચાવ્યો હતો. પોલીસે ભારતીય જનતા પાર્ટીના યુવા મોર્ચાના અધ્યક્ષ તેજસ્વી સૂર્યા, ભાજપ પ્રદેશ અધ્યક્ષ સતીશ પૂનિયા, યુવા મોર્તા પ્રદેશ અધ્યક્ષ હિમાંશું શર્મા સહિત અસંખ્ય કાર્યકર્તાઓની ધરપકડ કરી હતી. તો વળી લગભગ 200 જેટલા કાર્યકર્તાઓને બસમાં ભરીને લઈ ગયા હતા. કરૌલીમાં લાગેલા કર્ફ્યૂની વચ્ચે ભાજપના યુવા મોર્ચાના કાર્યકર્તા રાષ્ટ્રીય અધ્યક્ષ તેજસ્વી સૂર્યાના નેતૃત્વમાં આજે કરૌલી યાત્રા પર નિકળ્યા હતા, જ્યાં દૌસા કરૌલી બોર્ડર પર તેમને લગભગ 1 વાગ્યાની આસપાસ રોકવામાં આવ્યા હતા. 

કહેવાય છે કે, પોલીસ ભાજપ નેતાઓને લઈને મહુઆ પોલીસ સ્ટેશન લઈ ગઈ હતી. આ દરમિયાન યુવા મોર્ચાના કાર્યકર્તાઓની સાથે પોલીસ ઘર્ષણની પણ તસ્વીરો સામે આવી હતી. પોલીસે કાર્યકર્તાઓને હટાવવા માટે પોલીસે હળવો બળપ્રયોગ પણ કર્યો હતો. રાજ્યમાં ભાજપ સતત કરૌલી હિંસા મામલે ગેહલોત સરકાર પર આકરા પ્રહારો કરી રહ્યા છે. 

યુવા મોર્ચાની થઈ રહી છે સામૂહિક ધરપકડ

આ દરમિયાન રોડ પર ધરણા દરમિયાન પોલીસ દ્વારા ધરપકડ કરેલા સૂર્યા કહ્યું કે, યુવા મોર્ચાના કાર્યકર્તાઓ સામૂહિક રીતે ધરપકડ આપી રહ્યા છે અને આ લડાઈ હજૂ શરૂ જ થઈ છે. તેમણે કહ્યું કે, ગેહલોત સરકારમાં પીએફઆઈ જેવા સંગઠનોને માર્ચ કાઢવાની મંજૂરી આપવામાં આવે છે. પણ યુવા મોર્ચાના કાર્યકર્તાઓ શાંતિપૂર્ણ રીતે અહીં રેલી કાઢી શકતા નથી. તેમણે કહ્યું કે, કરૌલીમાં રમખાણો થવા તે સરકારની નિષ્ફળતા છે અને રાજ્યમાં કાયદો અને વ્યવસ્થા એકદમ નિષ્ફળ ગઈ છે.  

તો વળી આ અગાઉ જયપુર પહોંચેલા એમએમએસ હોસ્પિટલ બહાર તેજસ્વીએ કહ્યું કે, રાજસ્થાનમાં અશોક ગેહલોતનનું જંગલ રાજ ચાલી રહ્યું છે. લાલૂના જંગલ રાજ વિશે સાંભળ્યું હતું. પણ આજે મેં અશોક ગેહલોતનું જંગલરાજ પણ જોઈ લીધું. ગેહલોતના જંગલરાજનો યુવા મોર્ચા પ્રદેશ ભાજપ પુરજોશમાં વિરોધ કરશે અને રાજ્યમાં ઉગ્ર આંદોલન કરશે.

અમારી પર લાઠીચાર્જ કરવામાં આવ્યો- પૂનિયા

પૂનિયાની ધરપકડ થઈ તે પહેલા કહ્યું અમારી ન્યાય યાત્રા વિશે પોલીસ અને પ્રશાસનને ખબર હતી, તેમ છતાં પણ સરકાર બેવડુ વલણ રાખ્યું. પૂનિયાએ કહ્યું કે, સરકાર ફરી એક વાર સાબિત કરી દીધું છે કે, તે પીએફઆઈને પ્રેમ કરે છે અને અમારા કાર્યકર્તાઓને ધુત્કારે છે. પૂનિયાએ કહ્યું કે, ન્યાયા રેલીને લઈને અમે નક્કી કર્યું હતું કે, અમે કરૌલી જઈશું અને રોકવા પર જેલમાં પણ જઈશું.

karauli violence Rajsthan Ashok Gehlot BJP ભાજપ કરૌલી હિંસા તેજસ્વી સૂર્યા અશોક ગેહલોત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ