લોકડાઉનને કારણે રામાનંદ સાગરની રામાયણનું રિ-ટેલિકાસ્ટ શરૂ થયું ત્યારથી જ આ શો અને શોના કલાકારો ચર્ચામાં આવી ગયા છે. દૂરદર્શન પર રામાયણ ખતમ થયા બાદ તેને સ્ટાર પ્લસ પર ફરી ટેલિકાસ્ટ કરવામાં આવ્યું છે. વર્ષો પહેલાં બનેલી રામાયણના ઘણાં ફની મીમ્સ સોશિયલ મીડિયા પર ખૂબ જ વાયરલ થાય છે. ત્યારે લોકો રામાયણ અને મહાભારત જેવા જૂના શોઝ ધ્યાનથી જોઈને તેના સીન્સમાં રહેલી ખામીઓ શોધીને સોશિયલ મીડિયા પર વાયરલ કરી રહ્યાં છે.
રામાયણનું રિ-ટેલિકાસ્ટ થતાં શોએ મચાવી ધૂમ
વર્ષો પહેલાં બનેલી આ સીરિયલના ફની મીમ્સ થઈ રહ્યાં છે વાયરલ
લોકો શોના સીન્સમાં રહેલી ખામીઓ શોધી કરે છે વાયરલ
રામાયણના યુદ્ધ સીનમાં ગરબા રમી રહ્યો છે સૈનિક
હાલમાં રામાયણન એક સીન ખૂબ જવાયરલ થઈ રહ્યો છે અને તેના પર મીમ્સ બની રહ્યા છે. હવે આ સીનને એક્ટર કરણવીર બોહરાએ પણ શેર કર્યો છે. હકીકતમાં આ વીડિયોમાં રામાયણના વોર સીનમાં બેકગ્રાઉન્ડમાં એક સૈનિક યુદ્ધ કરવાના બદલે ગરબા રમી રહ્યો છે. આ સીન ખૂબ જ ફની લાગી રહ્યો છે. તલવારથી તે પોતાના દુશ્મન સાથે એવી રીતે યુદ્ધ કરી રહ્યો છે જેમ ગરબા રમી રહ્યો હોય.
આ સીન ખૂબ જ મજેદાર છે. જેમાં યુદ્ધ લડવાની જગ્યાએ બેકગ્રાઉન્ડમાં એક સૈનિક ડાંસ કરતો જોવા મળી રહ્યો છે. કરણવીરે આ વીડિયો શેર કરીને લખ્યું- મારે આ પોસ્ટ શેર કરવી પડી અને આપણે વિચારતા હતા કે તેમણે એક ઐતિહાસિક વોર સીન ક્રિએટ કર્યો હતો, બિલ્કુલ ગેમ ઓફ થ્રોન્સની જેમ.
કરણવીરની આ પોસ્ટ પર લોકો મજેદાર રિએક્શન આપી રહ્યાં છે. આ વીડિયો જોઈ લોકોની હસી રોકાઈ નથી રહી. તેમને આ વીડિયો ખૂબ જ ફની લાગી રહ્યો છે. એક યુઝરે લખ્યું- હે ભગવાન આ ડાંસ કેમ કરી રહ્યો છે. તો બીજા યુઝરે લખ્યું- એવું લાગી રહ્યું છે કે આ લોકો ગરબા રમી રહ્યાં છે.
તમને જણાવી દઈએ કે, વાયરલ વીડિયોના બેકગ્રાઉન્ડમાં ગરબાનો સોન્ગ ફિટ કરવામાં આવ્યો છે. આ ટ્યૂન સાથે ડાંસ કરતો વ્યક્તિ એકદમ ફિટ બેસે છે. રામાયણ પહેલાં મહાભારતના પણ એક સીનમાં કૂલર દેખાવાનો દાવો કરવામાં આવ્યો હતો. જોકે, તે કૂલર નહોતું પરંતુ પિલર હતું. જેને લોકોએ કૂલર બતાવતા ટ્રોલ કર્યો હતો.