વિવાદ / મારી સ્ટોરી ચોરીને ફિલ્મ બનાવી દીધી, કરન જોહર પર રાઇટરે લગાવ્યો તફડંચીનો આરોપ, આપી દીધી ધમકી

• વિવાદમાં ફસાઈ કરન જોહરની જુગ જુગ જીયો 
• વિશાલ સિંહ નામના શખ્સે ફિલ્મની સ્ટોરી ચોરી કરી હોવાનો કર્યો દાવો 
• ચોરી શોભતી નથી - વિશાલ સિંહ 

વિવાદમાં ફસાઈ કરન જોહરની જુગ જુગ જીયો 

કરન જોહરની ફિલ્મ જુગ જુગ જીયો સાથે એક વિવાદ જોડાયો છે. હવે વિશાલ સિંહ નામના એક વ્યક્તિએ આરોપ લગાવ્યો છે કે ધર્મા મૂવીઝે તેમનો આઈડિયા ચોરી કર્યો છે. વિશાલનું કહેવું છે કે સાથે ફિલ્મ પ્રોડ્યુસ કરવા માટે મૂવીનો આઈડિયા તેમણે મેલ કર્યો હતો. તેમની તરફથી કોઈ જવાબ ન આવ્યો અને સ્ટોરી પર ફિલ્મ બનાવી દીધી. વિશાલે કરન જોહરને ટેગ પણ કર્યો છે. આ પહેલા પાકિસ્તાની સિંગરે આરોપ લગાવ્યો હતો કે કરન જોહરની ફિલ્મમાં તેમનું ગીત પરવાનગી વગર જ લઇ લેવામાં આવ્યું હતું. તે કરન જોહર સામે એક્શન લેશે. જણાવી દઈએ કે 22 મેનાં રોજ જુગ જુગ જીયોનું ટ્રેલર રિલીઝ થયું છે. ત્યાર બાદ જ ફિલ્મ પર સ્ટોરી અને ગીત કોપી કરવાના આરોપો લાગ્યા છે. 

Had registered a story.. #BunnyRani with @swaindiaorg in January 2020. I had officially mailed @DharmaMovies in February 2020 for an opportunity to co-produce with them. I even got a reply from them.
And they have taken my story.. and made #JugJuggJeeyo. Not fair @karanjohar.

— Vishal A. Singh (@Vishal_FilmBuff) May 22, 2022

બતાવ્યો મેલનો સ્ક્રીનશોટ 
કરન જોહરની ફિલ્મને લઈને વિશાલ એ સિંહનું એક ટ્વીટ વાયરલ થઇ રહ્યું છે. આ ટ્વીટમાં તેમણે લખ્યું છે કે Swa India Org સાથે જાન્યુઆરી 2020માં એક સ્ટોરી રજિસ્ટર્ડ કરી હતી, જેનું નામ હતું બન્ની રાની. ફિલ્મ કો પ્રોડ્યુસ કરવા માટે મેં ફેબ્રુઆરી 2020માં ઓફિશિયલી ધર્મા મૂવીઝને આ માટે મેલ કર્યો હતો. મને તેમની તરફથી જવાબ મળ્યો નહીં અને તેમણે મારી સ્ટોરી લઇ લીધી....અને જુગ જુગ જીયો બનાવી દીધી. કરન જોહર આ બરાબર નથી. વિશાલે પોતાના મેલનો સ્ક્રીનશોટ પણ બતાવ્યો છે. 

Correct me if am wrong? @swaindiaorg gives a 15 days notice to the receiving party. Means.. no notice will be served that needs to be answered by @DharmaMovies before 15th June? And then they will have the alibi that 24th Iune is the release date. That's why the arrogance? pic.twitter.com/fTLBTM4jfJ

— Vishal A. Singh (@Vishal_FilmBuff) May 23, 2022

ચોરી શોભતી નથી 
વિશાલે લખ્યું છે કે તેઓ ઓફિશિયલ ફરિયાદ કરશે. સાથે જ એમ પણ કહ્યું છે કે પબ્લિસિટી માટે આ બધું કરવું હોત, તો બધા મીડિયા હાઉસને કહ્યું હોત. મેં મામલો પબ્લિક સામે રાખી દીધો છે, જેથી તેઓ નક્કી કરી શકે. હજુ એક ટ્વીટમાં વિશાલે લખ્યું છે કે સ્ટોરી સારી લાગે સર....વાત કરો.....હાથ મિલાવો.....સાથે મળીને બનાવો.....એક પ્રતિષ્ઠિત બેનરને આ શોભતું નથી. કોઈ પ્રોડક્શન હાઉસ આમ ચોરી કરે. જો આ મારી આઠે બની શકે છે તો હિંદી સિનેમા ઈંડસ્ટ્રીમાં કોઈની પણ સાથે બની શકે છે.