કરણ જોહરની હાઉસ પાર્ટી હાલના દિવસોમાં સોશ્યલ મીડિય પર ચર્ચામાં છે. આ પાર્ટીમાં સ્ટાર્સને જોઇને લોકો ડ્રગ્સ લીધાનો આરોપ લગાવી રહ્યા છે, ત્યારે રાજનીતિક દળ પણ આ મામલા પર ચર્ચા કરી રહ્યા છે.
વાસ્તવમાં તાજેતરમાં બોલિવુડના સ્ટાઇલિશ ડિરેક્ટર કરણ જોહરે પોતાના ઑફિશ્યલ સોશ્યલ મીડિયા એકાઉન્ટ પર એક વીડિયો શૅર કર્યો હતો જેમાં બોલિવુડના ઘણા સ્ટાર્સ જોવા મળી રહ્યા છે. જોકે આ વીડિયોને અકાળી દળના ધારાસભ્ય મજિંદર સિરસાએ શૅર કર્યો છે.
આ વીડિયો શૅર કરતા ધારાસભ્યએ કેપ્શન આપ્યુ છે કે, ''ફિક્ઝન વર્સેઝ રિયાલિટી. જુઓ આપણાં બોલિવૂડ સ્ટાર્સ તેમના ડ્રગ્સ સ્ટેટને કેવા ગર્વથી ફ્લોન્ટ કરી રહ્યા છે. હું બોલિવૂડ સ્ટાર્સ દ્વારા ડ્રગ્સ એબ્યુઝ લોકોનો વિરોધ કરુ છું. જો તમને પણ આ ખરાબ લાગતું હોય તો તમારા સ્ટાર્સને ટેગ કરીને રિટ્વિટ કરો.''
My wife was also present that evening (and is in the video). Nobody was in a “drugged state” so stop spreading lies & defaming people you don’t know!
— Milind Deora मिलिंद देवरा (@milinddeora) July 30, 2019
અકાળી દળના ધારાસભ્ય મજિંદરના ટ્વીટ પર કોંગ્રેસના નેતા મિલિંદ દેવરાએ રીટ્વીટ કરીને મજિંદરને જવાબ આપતા કહ્યુ કે, ''મારી પત્ની પણ આ પાર્ટીમાં હાજર હતી અને વીડિયોમાં પણ.. કોઇ સ્ટાર્સે ડ્રગ્સ નથી લીધુ. ખોટી અફવાહો ફેલાવવાનું બંધ કરો. આશા છે કે, તમે માફી માંગવાની હિંમત દેખાડશો.''