કોરોના વાયરસને કારણે એક મહિનાથી સમગ્ર ભારતવાસીઓ લોકડાઉનમાં જીવી રહ્યા છે. ઘરની બહાર નીકળવાથી લઈને કામકાજ અને અન્ય સુવિધાઓ પણ મળી રહી નથી. જેથી લોકોને હાલાકી થઈ રહી છે. એવામાં હવે ફિલ્મમેકર અને પ્રોડ્યૂસર કરણ જોહરે તેની એક એવી તસવીર શેર કરી છે, જેમાં તેનો છુપાયેલો રૂપ બધાંની સામે આવી ગયો છે.
લોકડાઉનને કારણે બધાં જ ઘરમાં કેદ છે
ગ્રૂમિંગ માટે કોઈ જ સુવિધા હાલ ઉપલબ્ધ નથી
તો ફિલ્મમેકર કરણ જોહરના થયા એવા હાલ કે જોઈને ફેન્સ ચોંકી ગયા
લોકડાઉનને કારણે કરણ જોહર હાલ ઘરે જ છે અને તે તેની માતા હીરુ જોહર અને યશ અને રૂહીની સાથે રહી રહ્યો છે. એવામાં હાલ બહાર જવાની અને ગ્રૂમિંગ માટેની કોઈ જ સુવિધા ઉપલબ્ધ નથી. જેથી કરણ જોહરે એક એવી તસવીર શેર કરી જેને જોઈને તમે તેને ઓળખી નહીં શકો. આ તસવીરમાં કરણ જોહરના વાળ એકદમ સફેદ દેખાઈ રહ્યાં છે. તેણે આ તસવીર શેર કરીને લખ્યું-બ્લેક, વ્હાઈટ અને ગ્રે.
તમને જણાવી દઈએ કે, થોડાં દિવસ પહેલાં કરણ જોહરની દીકરી રૂહીએ તેને એક વીડિયોમાં ઘરડો કહ્યો હતો. કરણ આ સાંભળીને ચોંકી ગયો હતો. જોકે, હવે તેણે જે તસવીર શેર કરીને તેને જોઈને લોકોને આશ્ચર્ય થવું સ્વાભાવિક છે. સાથે કરણે વરૂણ ધવન સાથે લાઈવ ચેટ પણ કરી. આ વાતચીતમાં વરૂણે કરણથી કહ્યું કે, તે જેમ્સ બોન્ડની ફિલ્મોનો વિલન લાગી રહ્યો છે.
કરણે વરૂણ ધવન સાથે વાતચીતમાં કહ્યું, તે પહેલી વખત તેના સફેદ વાળને દેખાડી રહ્યો છે. કરણે કહ્યું- હું ઘરે બેઠો છું અને કંઈ જ કામ કરી રહ્યો નથી. તો વાળમાં કલર કરવાની અને પોતાની જાતને સુંદર બનાવવાની શું જરૂર છે અને કોના માટે હું સુંદર દેખાઉં. હું બસ ખુશ છું કે હું મારી મોમ અને બાળકો સાથે છું.
કરણે એવું પણ કહ્યું કે, કેમિકલવાળા પ્રોડક્ટ્સનો ઉપયોગ કરવો યોગ્ય નથી. આ જ એ સમય છે જ્યારે આપણે આપણી ઉંમર પ્રમાણે વ્યવહાર કરવો જોઈએ. કરણે કહ્યું- લોકડાઉને પોતાની જાતને સુધારવાનો સમય છે. સાથે કરણે વરૂણથી કહ્યું- હું તારી ઇન્સ્ટા ચેટમાં આ લુકમાં ડેબ્યુ કરી રહ્યો છું. મને લાગે છે કે, હું પહેરીવાર આ રીતે સફેદ વાળ સાથે તારી સામે આવ્યો છું વરૂણ. મારા બાળકો હેરાન છે કે હું એક જ રાતમાં ઘરડો કઈ રીતે થઈ ગયો. તેઓ મને બુઢ્ઢો કહીને બોલાવી રહ્યાં છે. તો મને લાગ્યું કે, આ લુકને થોડો ફ્લોન્ટ કરીશ અને હું મારી જાતને કેમિકલ્સથી પણ બ્રેક આપી રહ્યો છું.
તમને જણાવી દઈએ કે, કરણનો આવો રૂપ જોયા બાદ લોકોને ઝટકો લાગ્યો છે અને ઘણાં ફેન્સ આ વિશે વાત કરી રહ્યાં છે. કરણ જોહરની આ તસવીર સોશિયલ મીડિયા પર ખૂબ વાયરલ થઈ રહી છે.