બોલીવૂડ / કરણ જોહર અને એકતા કપૂરના પ્રોડક્શન હાઉસ પર આવકવેરા વિભાગ ખાબકતા ખળભળાટ

• પ્રોડક્શન હાઉસ પર આવકવેરા વિભાગની તવાઈ 
• ધર્મા પ્રોડક્શન અને બાલાજી ટેલિફિલ્મ્સમાં રેડથી બોલિવૂડમાં ખળભળાટ 
• પ્રોડક્શન હાઉસ તરફથી ન આવ્યું એક પણ નિવેદન 

આવકવેરા વિભાગે બોલિવૂડનાં સાત અલગ અલગ પ્રોડક્શન હાઉસ પર રેડ કરી છે. આ પ્રોડક્શન હાઉસમાં કરણ જોહરનું ધર્મા પ્રોડક્શન અને એકતા કપૂરની બાલાજી ટેલિફિલ્મ્સનો પણ સમાવેશ થાય છે. માનવામાં આવી રહ્યું છે કે આ છાપામારી ફિલ્મ અને ધારાવાહિકમાં એક્સ્ટ્રા તરીકે કામ કરતા આર્ટીસ્ટને આપવામાં આવતા નાણામાં ટેક્સ ચોરીની આશંકાના કારણે કરવામાં આવી છે. 

 

 

 

 

View this post on Instagram

 

 

 

 

 

 

 

 

 

Red alert for hosting the #filmfareawards in #awesomeassam tonight! Spectacular show! Congratulations to the entire team at @filmfare! Styled by @nikitajaisinghani 📷 @rajeev_gogoi wearing @dolcegabbana

A post shared by Karan Johar (@karanjohar) on Feb 15, 2020 at 12:55pm PST

એક અખબારની ખબર અનુસાર એક વરિષ્ઠ ટેક્સ અધિકારીએ જ આ રેડની પુષ્ટિ કરી છે પરંતુ વધુ જાણકારી આપવામાં આવી નથી. 

શું છે આ એક્સ્ટ્રા એક્ટર્સ : 

નોંધનીય છે કે વિવિધ પ્રોડક્શન હાઉસ વર્ષોથી અનસ્કીલ્ડ કર્મીઓને એક્સ્ટ્રા એકટર માને છે અને તેમને કામના બદલામાં નાણા આપ્યા પહેલાં 2 ટકા ટેક્સ કાપે છે. પરંતુ ટેક્સ અધિકારીઓ માને છે કે ભલે આ એક્સ્ટ્રા આર્ટીસ્ટ તરીકે ઓછા સમય માટે સ્ક્રીન પર આવતા હોય પરંતુ તે સ્કીલ્ડ કર્મી જ છે અને 10 ટકા ટીડીએસ કાપવું જોઈએ. અહીં નોંધનીય છે કે એક્સ્ટ્રા એક્ટર પર 2 ટકા જયારે સ્કીલ્ડ આર્ટીસ્ટ પર 10 ટકા ટીડીએસ કાપવામાં આવે છે. 

અહેવાલમાં કરાયો દાવો

જાણકારી અનુસાર રીતેશ સધવાની અને ફરહાન અખ્તરના પ્રોડક્શન હાઉસ એક્સેલ એન્ટરટેન્મેન્ટ, વાશુ ભાગનાનીની પૂજા એન્ટરટેનમેન્ટ એન્ડ ફિલ્મ્સ અને અજય રાયની જાર પિક્ચર્સ પર પણ રેડ કરવામાં આવી છે. એક અહેવાલમાં દાવો કરવામાં આવ્યો છે કે બધા પ્રોડક્શન હાઉસની સાથે છાપામારી પર સવાલ પૂછવામાં આવ્યા પરંતુ કોઈ જવાબ આપવામાં આવ્યો નથી.