કોંગ્રેસ નેતા અને વાયનાડના સાંસદ રાહુલ ગાંધીની એન્ટી નોર્થ ઈન્ડીયન ટીપ્પણી પર વિવાદ વધ્યો છે.
રાહુલે ઉત્તર અને ભારતના મતદાતાઓ વચ્ચે તુલના કરી હતી
આ ટીપ્પણી પર સિબ્બલે રાહુલને શિખામણ આપી
તમામ તમામ મતદાતાઓનું સન્માન રાખવું જોઈએ-કપિલ સિબ્બલ
કોંગ્રેસના સિનિયર નેતા કપિલ સિબ્બલે જાહેરમાં રાહુલ ગાંધીને શિખામણ આપતા કહ્યું કે દેશના તમામ ભાગોમાં રહેતા લોકોને પોતાનો વોટ આપતી વખતે ખબર હોય છે કે તેમને કોને વોટ આપવો. સિબ્બલે કહ્યું કે તમામ મતદાતાઓનું સન્માન રાખવું જોઈએ.
સિબ્બલે કહ્યું કે આપણે મતદાતાઓનું સન્માન કરવું જોઈએ પછી તે ઉત્તરના હોય કે દક્ષિણના. મતદાતાઓ સમજદાર હોય છે, તેમને તેમના અધિકારોની જાણ હોય છે, કોને વોટ આપવો અને કેવી રીતે આપવો તેની તેમને સારી રીતે ખબર હોય છે.
શું હતું રાહુલ ગાંધીની ટીપ્પણી
ત્રિવેન્દ્રમાં એક જનસભાને સંબોધિત કરતા રાહુલ ગાંધીએ કહ્યું હતું કે પહેલા હું 15 વર્ષ ઉત્તર ભારતથી સાંસદ રહ્યો, તેથી મને અલગ પ્રકારની રાજનીતિની આદત પડી ગઈ હતી, મારે માટે કેરળ આવવાનો નવો અનુભવ હતો કારણ કે મેં જોયું કે લોકોને મતલબમાં જ રસ હોય છે, ફક્ત દેખાડા માટે નહીં પરંતુ ગંભીરતાથી તેની પર વિચાર કરતા હોય છે.