જીંદગી બરબાદ હો ગિયા....આ ડાયલોગ કે ગીત સાંભળશો એટલે તમારી નજર સમક્ષ એક લાંબી અને પાતળી કાયા કે જેનો ચહેરો થોડો લાંબો છે, વ્યવસ્થિત સાડી પહેરી છે, કમર ઉપર ટેટૂ છે અને પાંથી સિંદુરથી પુરેલી છે તેવી અજીબ પ્રકારની સ્ત્રી ખડી થઇ જશે. હવે આ સ્ત્રી એટલે આપણા લાડલા સુનિલ ગ્રોવર...
ગુત્થી, ડૉ.મશહૂર ગુલાટી અને રિંકુદેવી
કપિલે કરી સુનિલ માટે ટ્વીટ
સુનિલ ગ્રેવરે આપ્યો ટ્વિટનો જવાબ
કપિલ શર્મા અને સુનિલ ગ્રોવરની જોડી ટેલિવિઝન પરની સૌથી હિટ અને ફેમસ જોડી માનવામાં આવે છે. થોડા વર્ષો પહેલા સુનિલ અને કપિલે એકબીજાના રસ્તા અલગ કરી લીધા હતા. સાથે જ તેમના ઝઘડાની ખબર ઘણીવાર આવતી રહેતી હોય છે. હાલમાં જ કપિલ શર્માએ સુનિલ ગ્રોવરને ટેગ કરીને એક ટ્વિટ કરી હતી.
Happy bday @WhoSunilGrover paji 🤗 stay happy n healthy always 🙏 lots of love always 🎂
કપિલે તેમના દોસ્ત સુનિલ ગ્રોવરને જન્મદિનની શુભકામનાઓ પાઠવતા ટ્વિટ કરી હતી અને લખ્યુ હતું કે, હેપ્પી બર્થ ડે પાજી.. તેનો જવાબ આપતા સુનિલે લખ્યુ કે, તમારી વિશ માટે થેન્ક્યુ ભાજી.
તમને જણાવી દઇએ કે સુનિલ ગ્રોવરનો જન્મદિવસ 3 ઓગસ્ટના રોજ હતો. સુનિલ 43 વર્ષના થયા છે. સુનિલ અને કપિલના ફેન્સ આ બંનેની જોડીને ફરી એકવાર શૉ પર જોવા ઇચ્છે છે, જેથી કોમેડીની મજા બેગણી વધી જશે. બંનેના ફેન્સ ટ્વિટ કરીને માંગ કરી રહ્યાં છે કે બંને ફરી એક વાર સાથે દેખાય.
સુનિલ ગ્રોવરે તેમના શરૂઆતી જીવનમાં રેડિયોમાં કામ કર્યુ અને બાદમાં તેમણે એક્ટિંગ ક્ષેત્રે પદાર્પણ કર્યુ હતું. તેમણે કપિલ શર્મા શૉ સિવાય કેટલક ફિલ્મોમાં પણ કામ કર્યુ છે જેમાંની સૌથી મોટી હિટ છે ગબ્બર ઇઝ બેક.