કપિલ શર્મા જૂનમાં ભારત બહાર ટૂર પર જવાના છે અને એવામાં સમાચાર વહેતા થયા હતા કે થોડા દિવસો માટે ધ કપિલ શર્મા શો બંધ થઈ જશે. પરંતુ આવુ કશુ થવાનુ નથી. ટીમે પહેલા તેનુ આયોજન કરી લીધુ છે.
કપિલ શર્માનો શો નહીં થાય બંધ
સોશિયલ મીડિયામાં ફેલાઈ હતી અફવા કે શો થશે બંધ
કપિલ શોમાંથી બ્રેક લેશે, પરંતુ શો ચાલુ જ રહેશે
નહીં થાય કપિલ શર્માનો શો ઑફએર
હાલમાં એવા સમાચાર ઝડપથી વહેતા થયા હતા કે કપિલ શર્માનો શો ઑફએર થશે. આ અફવા બે રીતે સામે આવી હતી. એક તરફ કપિલ શર્માએ વિવેક અગ્નિહોત્રીની ફિલ્મ ધ કાશ્મીર ફાઈલ્સનુ પ્રમોશન કર્યુ ન હતુ અને ત્યારબાદ કપિલ શર્માના શોની વિરુદ્ધ સોશિયલ મીડિયામાં વિવાદ થયો હતો. અમુક વર્ગ શો બંધ થાય તેવુ ઈચ્છતા હતા બીજી તરફ એવી અફવા સામે આવી હતી કે કપિલ પોતાનો યુએસનો ટૂર કરવાનો છે, જેને પગલે તેઓ શોમાંથી બ્રેક લેશે અને થોડા દિવસો માટે ટીવી પર શો બતાવવામાં નહીં આવે.
એપ્રિલ સુધી શૂટ લાઈનઅપમાં છે: મીડિયા રિપોર્ટમાં દાવો
મીડિયાના રિપોર્ટ મુજબ સુત્રએ જણાવ્યું, આ અફવામાં કોઈ વાસ્તવિકતા નથી. શો અચાનક બંધ નહીં થાય. અમે હંમેશાની જેમ શોનુ શૂટીંગ કરી રહ્યાં છે. એપ્રિલ સુધી શૂટ લાઈનઅપમાં છે. કપિલનો યુએસ અને કેનેડાનો ટૂર જૂનમાં થશે તો શોને બંધ થવા અંગે સૂત્રએ કહ્યું, અમે એપિસોડ્સની બેંક બનાવવાની તૈયારી કરી રહ્યાં છે. આ એપિસોડ્સ ત્યારે ઑનએર કરાશે જ્યારે કાસ્ટ જૂનમાં ટૂર પર હશે. તે સમયે કપિલ શોમાંથી બ્રેક લઇ શકે છે. કારણકે કપિલ સિઝન્સની વચ્ચે બ્રેક લેવાનુ પસંદ કરે છે. પરંતુ હજુ સુધી પાક્કુ કહી શકાય નહીં.