બોલિવૂડ ઈન્ડસ્ટ્રીના પહેલાં હીમેન એટલે કે ધર્મેન્દ્ર પોતાની બીજી પત્ની હેમા માલિનીને કેટલો પ્રેમ કરે છે તેનો ખુલાસો હેમા માલિનીએ પોતે ટેલિવિઝનના ચર્ચિત કોમેડી શો પર કર્યો છે. હેમાએ વાતચીત દરમિયાન જણાવ્યું કે, કઈ કઈ રીતે ધર્મેન્દ્રએ બંને દીકરીઓના જન્મ વખતે આખું હોસ્પિટલ તેના માટે બુક કરાવી લીધું હતું. જેથી લોકો તેને પરેશાન ન કરી શકે. આ શોમાં હેમા તેની દીકરી એશા દેઓલ સાથે પહોંચી હતી અને એશાએ તેના પિતાને લઈને કેટલીક રસપ્રદ વાતો જણાવી હતી.
ધ કપિલ શર્મા શોમાં આ વીકેન્ડ પર હિન્દી સિનેમાની ડ્રીમ ગર્લ હેમા માલિની દીકરી એશા દેઓલ સાથે જોવા મળશે. એશા તેની બુક અમ્મા મિયા વિશે વાત કરવા ત્યાં પહોંચવાની છે. આ દરમિયાન તેણે કેટલાક રસપ્રદ કિસ્સાઓ પણ જણાવ્યા. કપિલે શોમાં એશાને પૂછ્યું કે શું ખરેખર તમારી ફ્રેન્ડ જેનો અવાજ તમારાથી મળતો આવે છે એ તમારી ગેરહાજરીમાં તમારા પતિ સાથે વાત કરતી હતી. તો એશાએ જવાબ આપ્યો, હાં, આ હકીકત છે, પરંતુ આવું પહેલાં થતું હતું. જ્યારે હું તેમને ડેટ કરી રહી હતી કારણ કે હું ફોન પર 2 મિનિટથી વધારે વાત કરી શકતી નથી.
એશાએ આગળ જણાવ્યું, એ દિવસો દરમિયાન જ્યારે મારા માતા-પિતા શૂટિંગ કરતા હતા ત્યારે કોમ્યુનિકેશનનો એક જ માધ્યન ટેલીફોન હતો. એકવાર જ્યારે હું પાપા સાથે લાંબી વાત કરી રહી હતી ત્યારે અચાનક મારી મોમને નસકોરા બોલાવતા સાંભળ્યા. એ જણાવતા તે હસવા લાગી. ત્યારે હેમાજીએ જણાવ્યું કે, એ આખી રાત મૈં સતત શૂટિંગ કર્યું હતું અને હું ખૂબ જ થાકી ગઈ હતી, જેથી હું ધરમજી સાથે વાત કરતા-કરતા ઊંઘી ગઈ હતી.
કપિલે હેમાજીને પૂછ્યું, કે શું ધરમજીએ દીકરીની ડિલીવરી વખતે આખું હોસ્પિટલ બુક કર્યું હતું, તો અભિનેત્રીએ કહ્યું, હાં આખું હોસ્પિટલ બુક કરી લીધું હતું જેથી ફેન્સ તેમને પરેશાન ન કરે.
હેમા માલિનીએ આ પણ ખુલાસો કર્યો કે, તેમની માતા તેમને રસોઈમાં આવવા નહોતી દેતી કારણ કે તેમની મા ઈચ્છતી હતી કે હેમાજી તેમના ડાંસ કરિયર પર ધ્યાન આપે પરંતુ પછી જ્યારે એશા અને આહનાનો જન્મ થયો અને બંનેએ જ્યારે ફરિયાદ કરી કે તેઓ મારા હાથનું બનાવેલું ભોજન ખાવા માંગે છે તો મૈં ખાવાનું બનાવવાનું શીખ્યું અને સૌથી પહેલાં જે બનાવતા શીખ્યું એ હતું બ્રેડ પૌઆ.