કપિલ શર્માએ અંતે તેના ચાહકોને સારાં સમાચાર આપી દીધા અને એ ગુડ ન્યૂઝ છે નેટફ્લિક્સ પર તેનો નવો પ્રોજેક્ટ. જી હાં, ટેલિવિઝન જગતમાં પોતાની કોમેડીથી દર્શકોના દિલમાં ખાસ જગ્યા બનાવ્યા બાદ હવે કપિલ ઓટીટી પ્લેટફોર્મ પર ધમાલ મચાવવા માટે તૈયાર છે. તેણે આ નવા પ્રોજેક્ટનો એક નાનકડો વીડિયો શેર કરીને શુભ સમાચાર શેર કર્યાં છે.
કપિલ શર્માએ અંતે તેના ચાહકોને સારાં સમાચાર આપી દીધા
કપિલ નેટફ્લિક્સ પર તેનો નવો પ્રોજેક્ટ શરૂ કરવાનો છે
કપિલ ઓટીટી પ્લેટફોર્મ પર ધમાલ મચાવવા માટે તૈયાર
તમને જણાવી દઈએ કે, કપિલે ગઈ કાલે એટલે કે 4 જાન્યુઆરીએ ટ્વિટ કર્યું હતું કે, કાલે હું તમારી સાથે એક શુભ સમાચાર એટલે કે એક auspicious news શેર કરીશ. આ ટ્વિટ પહેલાં કપિલે પોતે જ એક સવાલ કરીને ટ્વિટ કર્યું હતું, જેમાં લખ્યું હતું- શુભ સમાચારને ઈંગ્લિશમાં શું કહેવાય? પ્લીઝ જણાવો. ત્યારે હવે તેની ટ્વિટમાં 'auspicious news'વાળા છુપાયેલા નવા પ્રોજેક્ટને તેણે બધાંની સાથે શેર કરી દીધો છે. આ ટૂંક સમયમાં નેટફ્લિક્સ પર ટેલિકાસ્ટ થશે.
હાલમાં શેર કરેલાં વીડિયોમાં પણ કપિલની કોમેડી જોઇ શકાય છે. તે અંગ્રેજી શબ્દ auspiciousને યોગ્ય રીતે બોલી શકતો નથી અને તેને બોલવાની પ્રેક્ટિસ કરી રહ્યો છે. કેમેરા પર આવ્યા બાદ તે સ્ક્રિપ્ટ વાંચે છે અને તેમાં auspicious શબ્દ આવતા તે ફરી અટકી જાય છે. પછી ડિરેક્ટર તેને કહે છે કે આ હિન્દીમાં પણ કહી શકાય છે. બસ પછી કપિલ કહે છે આમ તો અંગ્રેજીમાં મૈં તૈયારી કરી હતી પણ નેટફ્લિક્સ જ દેશી છે, તો પછી મારે શું જરૂર છે જબરદસ્તી અંગ્રેજી બોલવાની. આ જ auspicious ન્યૂઝ હતી. આ વખતે તે એકદમ કરેક્ટ અંગ્રેજી બોલે છે.
शुभ समाचार को इंग्लिश में क्या कहते हैं ? कृपया बतायें 🙏 Shubh samachaar ko English me kya kehte hain ? Kripya bataye’n 🙏
ઘણાં યુઝર્સે કપિલની આ ટ્વિટ જોઈને અંદાજો લગાવી લીધો હતો કે તે કદાચ ડિજિટલ ડેબ્યૂ કરવા જઈ રહ્યો છે. ઘણાંએ તો એવું પણ કહ્યું કે શુભ સમાચારના નામથી તેનો કોઈ નવો પ્રોજેક્ટ આવશે. તો કેટલાકને એવું લાગ્યું કે કપિલ બીજીવાર પિતા બનવાનો છે.