કોમેડિયન કપિલ શર્મા શર્માથી ફોટોગ્રાફર્સે હાલચાલ પૂછ્યા તો કોમેડી કિંગ ભડક્યો અને અપશબ્દો કહેવા લાગ્યો. જુઓ વીડિયો.
કપિલ શર્મા હમેશાં ચર્ચામાં રહે છે
હાલમાં જ તે એરપોર્ટ પર વ્હીલચેર પર બેસીને બહાર નીકળતો જોવા મળ્યો
ફોટોગ્રાફર્સે હાલચાલ પૂછ્યા તો કોમેડી કિંગ ભડક્યો
કોમેડિયન કપિલ શર્મા સોમવારે એરપોર્ટ પર વ્હીલચેર પર બેસીને બહાર નીકળતો જોવા મળ્યો હતો. તેની આ તસવીર સામે આવતા જ તેના ફેન્સને ચિંતા થવા લાગી છે. ફેન્સ કપિલના સ્વાસ્થ્યને લઈ પરેશાન છે. ઘણાં લોકો ટ્વિટ કરીને કપિલને તેના સ્વાસ્થ્ય વિશે પૂછી રહ્યાં છે. માત્ર ફેન્સ જ નહીં પરંતુ ઘણાં લોકો કપિલને વ્હીલચેર પર જોઈને શોક્ડ છે. જોકે, હાલમાં જ એક વીડિયો ખૂબ જ વાયરલ થઇ રહ્યો છે જેમાં ફોટોગ્રાફર્સ કપિલની તસવીરો લે છે અને તેના હાલચાલ પૂછે છે તો કપિલ તેમના પર ભડકી જાય છે.
ફોટોગ્રાફર્સ કપિલની તસવીરો લેતા લેતા તેના સ્વાસ્થ્ય વિશે પૂછે છે- ફોટોગ્રાફર્સ કહે છે કપિલ સર કેમ છો....સર વીડિયો લઇ રહ્યાં છીએ. તેના પછી કપિલ કહે છે-ઓ તમે બધાં પાછળ હટો. એ પછી ફોટોગ્રાફર્સ કહે છે- ઓકે સર થેન્ક્યૂ સર..બાદમાં કપિલ ગુસ્સામાં કહે છે-ઉલ્લુ કે પટ્ઠે. તેની આ વાત સાંભળી ફોટોગ્રાફર્સ કહે છે સર રેકોર્ડ થઇ ગયું. જેના પર કપિલ કહે છે હાં કરી લો રેકોર્ડ, તમે લોકો તો ખરાબ વર્તન કરો જ છો. કપિલનો આવો વ્યવહાર જોઈને ફોટોગ્રાફર્સ કહે છે-સર તમે રિક્વેસ્ટ કરો છો તો અમે હટી જઈએ છીએ.
કપિલનું આ વર્તન કદાચ પહેલીવાર જોવા મળ્યું છે. આ પહેલાં કપિલ ફેન્સ અને પાપારાઝી સાથે મસ્તીભર્યા અંદાજમાં જોવા મળ્યો છે. પરંતુ આ વખતે તેનું વર્તન સાવ અલગ જ હતું. જોકે અત્યાર સુધી કપિલ વ્હીલચેરમાં બેસીને બહાર આવ્યો તેનું કારણ સામે આવ્યું નથી.
ફેન્સને થઈ ચિંતા
કપિલની તસવીરો અને વીડિયો જોઈને ફેન્સ બેચેન થઈ ગયા છે. એક યુઝરે ટ્વિટ કરીને પૂછ્યું-તમને શું થયું કપિલ જી...તમે ઠીક છો ને..પ્લીઝ તમારું ધ્યાન રાખો...અમારા માટે તમે અનમોલ છો. અમારી જાન છો તમે...પ્લીઝ તમારા હેલ્થ વિશે અપડેટ આપો. God Bless You Kapil ji. જ્યારે બીજા યુઝરે લખ્યું- કપિલને સોનુ સૂદથી સલાહ લેવા કહ્યું અને લખ્યું- કપિલજી તમે છેલ્લા 2 રવિવારથી શોમાં નથી દેખાઈ રહ્યાં. પરિવારમાં અથવા પ્રોફેશનલ લાઈફમાં કોઈ પરેશાની હોય તો સોનુ સૂદથી સલાહ લઈ શકો છો.