ડ્રગ્સ મામલે કોમેડિયન ભારતી સિંહની ધરપકડ બાદ સોશિયલ મીડિયા પર યુઝર્સ ખૂબ કમેન્ટ્સ કરી રહ્યાં છે. આ દરમિયાન કપિલ શર્મા શોમાં કોમેડિયન કપિલ શર્માને લઈને પણ યુઝર્સ કમેન્ટ્સ કરી રહ્યાં છે અને કહી રહ્યા છે કે હજી કપિલ શર્માની ધરપકડ થશે. યુઝર્સ સોશિયલ મીડિયા પર કપિલને ખૂબ ટ્રોલ કરવા લાગ્યા.
ડ્રગ્સ મામલે કોમેડિયન ભારતી સિંહની ધરપકડ બાદ સર્જાયો વિવાદ
યુઝર્સ કપિલને લઈને કરવા લાગ્યા કમેન્ટ્સ
હવે કપિલે આપ્યો વળતો જવાબ
ભારતીએ ડ્રગ્સ લેતી હોવાની કબૂલાત કરતા યુઝર્સ અનુમાન લગાવવા લાગ્યા કે કપિલ પણ ડ્રગ્સ લેતો જ હશે. એક યુઝરે કપિલ પર કમેન્ટ કરતા કહ્યું- ભારતીનો શું હાલ થયો, જ્યાં સુધી પકડાઈ નહીં ત્યાં સુધી ડ્રગ્સ નહોતી લેતી, એ જ હાલ તારો છે કદાચ. જ્યાં સુધી પકડાઈશ નહીં ત્યાં સુધી આવું જ રહેશે. આ રીતે ઘણાં બધાં કમેન્ટ્સમાં કપિલ શર્માનું ધ્યાન આ કમેન્ટ પર ગયું.
એ પછી કપિલે આ યુઝરને વળતો જવાબ આપતા લખ્યું- પહેલાં તારા સાઈઝની શર્ટ સિવડાવી દે જાડિયા. કપિલ તેની આવી કમેન્ટને લઈને વધુ ટ્રોલ થવા લાગ્યો. આ દરમિયાન ઘણાં લોકોએ કપિલને કહ્યું- એ બોડી શેમિંગ પર ઉતરી આવ્યો છે. એવામાં કપિલે તેની એ ટ્વિટ જ ડિલીટ કરી દીધી.
કપિલ શર્મા શોની મહત્વપૂર્ણ કલાકાર ભારતી સિંહ અને તેના પતિ હર્ષ લિંબાચિયાની 24 નવેમ્બરે ઘરે ગાંજો રાખવા અને તેનું સેવન કરવા બદલ ધરપકડ કરવામાં ાવી હતી. જોરે, પછી કોર્ટે બંનેને બેલ આપી દીધી. એનસીબીએ શનિવારે ભારતીના ઘરે રેડ પાડી હતી, જ્યાં તેના ઘરે 86.5 ગ્રામ ગાંજો મળી આવ્યો હતો. શનિવારે ભારતીની ધરપકડ કરવામાં આવી અને પછી રવિવારે 15 કલાકની પૂછપરછ બાદ તેના પતિ હર્ષની ધરપકડ કરવામાં આવી હતી.