કોમેડિયન એક્ટર કપિલ શર્મા ફરી એક વાર પિતા બનવાના છે તે વાતે જોર પકડ્યુ છે. તેના એક ટ્વિટથી તેના ફેન્સ તેવુ માની બેઠા છે કે કપિલ ફરી પિતા બનવાના છે. કપિલ શર્મા સમગ્ર ભારત પર રાજ કરે છે અને તેમની ફેન ફોલોઇંગ બોલિવૂડ એક્ટર્સ કરતા પણ વધારે છે.
ફરી પિતા બનશે કપિલ શર્મા?
ટ્વિટ કરીને ફેન્સને કર્યા કનફ્યુઝ
ગિન્નીએ પણ નથી આપી કોઇ એપડેટ
શું કરી ટ્વિટ ?
કપિલ શર્માએ ટ્વિટ કરીને કહ્યું હતું કે, શુભ સમાચારને અંગ્રેજીમાં શું કહેવાય છે, તે ટ્વિટને રિટ્વિટ કરીને ચેતન ભગતે કહ્યું હતું કે કોન્ગ્રેચ્યુલેશન્સને હિન્દીમાં શું કહેવાય છે. મુબારક તમને. કપિલે તે સ્પષ્ટ નથી કર્યું કે ગુડ ન્યુઝ છે શું પરંતુ લોકો અંદાજો લગાવી રહ્યાં છે કે કપિલ બીજી વાર પિતા બનવાનો છે.
નવી ફિલ્મની વાત છે ?
તે બીજી વાર પિતા બનવાનો છે તે સિવાય ફેન્સ ક્યાસ લગાવી રહ્યાં છે કે કપિલની કોઇ નવી ફિલ્મ આવવાની છે અથવા તો વૅબ સિરીઝ લોન્ચ થવાની છે. કપિલ અને તેની પત્ની ગિન્ની ચતરથની એક બાળકી અનાયરા છે. એક યુઝરે લખ્યું કે શું બીજા બાળકની અનાઉન્સમેન્ટ છે, તો બીજા એક યુઝરે લખ્યું કે ફરીથી બેબી બોય થયો કે બેબી ગર્લ.
शुभ समाचार को इंग्लिश में क्या कहते हैं ? कृपया बतायें 🙏 Shubh samachaar ko English me kya kehte hain ? Kripya bataye’n 🙏
ગયા વર્ષે કપિલ પિતા બનવાનો છે તેવી અફવાએ જોર પકડ્યુ હતુ. કહેવામાં આવી રહ્યું હતું કે ગિન્ની ફરીથી માતા બનવાની છે. જો કે તે વાત પર કોઇએ અપડેટ નહોતી આપી અને આ વખતે પણ બંનેમાંથી એકેયે આ વાતને લઇને કોઇ સ્પષ્ટતા કરી વથી. લૉકડાઉનનો સમય કપિલે તેના પરિવાર સાથે વિતાવ્યો અને ખુબ એન્જોય કર્યુ હતું.
તમને જણાવી દઇએ કે, કપિલ હાલમાં એક ખુબ જ પ્રસિદ્ધ શો, ધ કપિલ શર્મા શો હોસ્ટ કરે છે અને કોરોનાને કારણે આ શોમાં દર્શક નથી હોતા પરંતુ દર્શકો વગર જ આ કાર્યક્રમ થઇ રહ્યો છે. આ સિવાય તે એક વૅબ સિરીઝમાં પણ દેખાશે તેવી વાતો ચર્ચાઇ રહી છે.
ગણેશ આચાર્યની ઉડાવી મજાક
બોલિવૂડના ફેમસ કોરિયોગ્રાફર જે દરેક એક્ટર એક્ટ્રેસને પોતાના ઇશારા પર નચાવે છે તે ગણેશ આચાર્યને તમે વધેલા વજન સાથે નાચતા જોયા હશે. હાલમાં જ તે કપિલ શર્મા શોમાં દેખાયા ત્યારે તેમને જોઇને બધા જ દંગ રહી ગયા હતા. કપિલે તેમના વજનને લઇને મજાક કરી ત્યારે લોકો હસવું કંટ્રોલ નહોતા કરી શક્યા.
સોની પર પ્રસારિત થનાર શો ધ કપિલ શર્મા શોમાં ગણેશ આચાર્ય, ગીતા કપૂર અને ટેરેન્સ લૂઇસ મહેમાન બન્યા હતા. સોશ્યલ મિડીયા પર શોનો પ્રોમો શૅર કરવામાં આવ્યો હતો જેમાં કપિલ પૂછે છે કે માસ્ટરજી તમે કેટલા કિલો વજન ઓછુ કરી દીધુ? ત્યારે ગણેશ કહે છે કે 98 કિલો.. તેના જવાબમાં કપિલ કહે છે કે તમે તો બે માણસને ગાયબ કરી દીધા. બાદમાં બધા જોર જોરથી હસવા લાગે છે.