કોમેડી કિંગ કપિલ શર્મા તેના શોમાં આવતી દરેક હિરોઈન સાથે ફ્લર્ટ કરતાં જોવા મળે છે. આ વખતે પણ એવું જ થયું. ધ કપિલ શર્માના નવા એપિસોડમાં ગુરૂ રંધાવા અને નોરા ફતેહી આવવાના છે. કપિલ આ બંને સાથે ખૂબ મસ્તી મજાક કરતા જોવા મળી રહ્યો છે અને નોરા સાથે ફ્લર્ટ પણ કરતા જોવા મળ્યો પણ નોરાએ પણ મજેદાર જવાબ આપ્યો. હાલમાં જ આ એપિસોડનો પ્રોમો રિલીઝ કરવામાં આવ્યો છે.
કપિલ શર્મા એક્ટ્રેસિસ સાથે કરે છે ફ્લર્ટ
તેના શોમાં આવ્યા ગુરૂ રંધાવા અને નોરા ફતેહી
કપિલ શર્માએ નોરા સાથે ફ્લર્ટ કરતાં નોરાએ કહી આ વાત
આ એપિસોડમાં ગુરૂ રંધાવા અને કપિલની મજેદાર કેમિ્સ્ટ્રી જોવા મળશે. ગુરૂએ ખુલાસો કર્યો કે, આ પહેલાં મારા 3 સોન્ગ આવ્યા અને દર વખતે મૈં કપિલને કોલ કરીને પૂછ્યું કે ભાઈ પ્રમોશનનું કંઈ થઈ શકે છે પણ તેણે કંઈ ઈન્ટ્રસ્ટ દેખાડ્યો નહીં. આ વખતે મૈં કોલ કર્યો કે મારી સાથે નોરા ફતેહી પણ છે તો કપિલે કહ્યું-જલ્દી આવી જાઓ.
નોરા ફતેહી શોમાં આવ્યા બાદ કપિલે કહ્યું કે 'જ્યારે ટેરેન્સ તમારી સાથે ફ્લર્ટ કરે ત્યારે મને ઈર્ષ્યા થતી હતી'. જેના જવાબમાં નોરાએ કપિલને કહ્યું, 'તું પરિણિત છે'. આના પર કપિલે તરત જ જવાબ આપતા કહ્યું, 'એ તો હું અંધેરી વેસ્ટમાં છું. જે બાદ બધાં ખૂબ હસ્યા.
નોરાને લઈને કપિલ કહે છે કે સોની ટીવીએ અમારી ક્યારેય નોરા સાથે ડાયરેક્ટ મુલાકાત કરાવી નહીં. પહેલાં એક મહિના માટે ઈન્ડિયાઝ બેસ્ટ ડાન્સરમાં મોકલવામાં આવી અને કહ્યું કે-દૂર દૂરથી જુઓ. એ બાદ જ્યારે ટેરેન્સ તેની સાથે ફ્લર્ટ કરતો હતો ત્યારે મને ઈર્ષ્યા થતી હતી.
શોમાં મસ્તી મજાક દરમિયાન કપિલ નોરાથી કંઈ ખાવા-પીવાને લઈને પણ પૂછે છે. તો તે ના પાડી દે છે પરંતુ ગુરૂ કહે છે કે મને ભૂખ લાગી છે. જેના પર મજાક કરતા કપિલ કહે છે કે જાઓ અને જમીને આવી જાઓ. તો દર્શકોને આ એપિસોડ જોઈને ખૂબ જ મજા પડવાની છે.