લોકપ્રિય કોમેડિયન કપિલ શર્મા પોતાના કોમેડી શો ધ કપિલ શર્મા શોના નવા સીઝનની શરૂઆત કરી ચૂક્યો છે. ત્યારે આ વખતે શોમાં બોલિવૂડની પ્રખ્યાત અભિનેત્રી કંગના રનૌત ગેસ્ટ તરીકે જોવા મળશે.
કપિલ શર્માએ પોતાના કોમેડી શો ધ કપિલ શર્મા શોની શરૂઆત કરી
આ વખતે શોમાં બોલિવૂડની પ્રખ્યાત અભિનેત્રી કંગના રનૌત ગેસ્ટ તરીકે જોવા મળશે
કપિલે કંગનાને કોન્ટ્રોવર્સીને લઈને પૂછી લીધો સવાલ
તમને જણાવી દઈએ કે આ શોમાં ફરી એક વખત બધાં કલાકારો જોશમાં જોવા મળી રહ્યા છે. ત્યારે કંગના હાલના દિવસોમાં પોતાની મોસ્ટ અવેટેડ ફિલ્મ થલાઇવીના પ્રમોશનમાં વ્યસ્ત છે. કંગના આ શો પર પોતાની આવનારી ફિલ્મ થલાઇવીનું પ્રમોશન કરવાની છે. મેકર્સે આ એપિસોડનો એક પ્રોમો જાહેર કર્યો છે. જેમાં શોની આખી કાસ્ટ ગણેશ વંદના કરતા જોવા મળી રહી છે. પ્રોમો વીડિયોમાં કપિલ કંગનાને કહે છે કે અત્યારે તમે આવવાના હતા તો પહેલાં ઘણી બધી સિક્યોરિટી આવી, અમે તો ડરી ગયા કે અમે એવું તો શું કહી દીધું? વ્યક્તિએ આટલી બધી સિક્યોરિટી રાખવી હોય તો શું કરવું પડે છે?
Ganesh vandan se karenge logon ke chehre par muskaan laane ke karya ki shuruaat, aur iss karya mein humaare saath hongi the one and only #KanganaRanaut! Dekhiye #TheKapilSharmaShow, iss Shani-Ravi raat 9:30 baje, sirf Sony par. pic.twitter.com/WkRY7GBKFb
કપિલના આ સવાલનો જવાબ આપતા કંગના કહે છે કે વ્યક્તિએ ફક્ત સાચું બોલવું પડે છે. આ પછી બધાં હસવા લાગે છે. બીજી જ ક્ષણે કપિલ કંગનાને બીજો સવાલ કરે છે. કપિલ પૂછે છે કે કેવું લાગી રહ્યું છે, આટલા દિવસો થઇ ગયા કોઇ કન્ટ્રોવર્સી થઇ નથી? તેના પર જવાબ આપવાના બદલે કંગના બસ ખડખડાટ હસી પડે છે. સોશિયલ મીડિયા પર કપિલના શોનો આ નવો પ્રોમો વાયરલ થઇ રહ્યો છે.
તમને જણાવી દઈએ કે, કંગનાની ફિલ્મ થવાઇવીને વિજયે ડાયરેક્ટ કરી છે. ફિલ્મના પ્રોડ્યુસર વિષ્ણુ વર્ધન ઇંદુરી અને શૈલેશ આર સિંહ છે. હિતેશ ઠક્કર અને થિરુમલ રેડ્ડી તેના કો પ્રોડ્યૂસર છે. થલાઇવી 10 સપ્ટેમ્બરે દુનિયાભરના સિનેમાઘરોમાં હિન્દી, તમિળ અને તેલુગુમાં રિલીઝ કરવામાં આવશે.