બોલિવૂડ / કોમેડી કિંગ કપિલ શર્મા બીજી વખત બન્યો પિતા, ટ્વિટર પર ગુડ ન્યૂઝ શેર કરતા કહી આ વાત

• કપિલ શર્મા બીજી વખત પિતા બની ગયો છે
• સોમવારે સવારે પત્ની ગિન્નીએ દિકરાને આપ્યો જન્મ
• કપિલે પોતે સોશિયલ મીડિયા પર આ જાણકારી આપી છે

કોમેડિયન કપિલ શર્માના ફેન્સ માટે ગુડ ન્યૂઝ છે. કપિલ શર્મા બીજી વખત પિતા બની ગયો છે. સોમવારે સવારે એટલે કે 1 ફેબ્રુઆરીએ પત્ની ગિન્ની ચતરથે દિકરાને જન્મ આપ્યો છે. કપિલે પોતે સોશિયલ મીડિયા પર આ જાણકારી આપી છે. 

Namaskaar 🙏 we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers 🙏 love you all ❤️ginni n kapil 🤗 #gratitude 🙏

— Kapil Sharma (@KapilSharmaK9) February 1, 2021

કપિલ શર્માએ ટ્વિટ કરીને લખ્યું- નમસ્કાર, આજે સવારે અમારા ઘરે દિકરાનો જન્મ થયો. ભગવાનના આશીર્વાદથી દિકરો અને મમ્મી બંને સ્વસ્થ છે. તમારા બધાંના આશીર્વાદ, પ્રેમ અને પ્રાર્થના માટે ખૂબ ખૂબ આભાર. આઈ લવ યૂ ઓલ ગિન્ની અને કપિલ.

તમને જણાવી દઈએ કે, થોડાં સમય પહેલાં જ કપિલે ગિન્ની ફરી પ્રેગ્નેન્ટ હોવાના સમાચાર ફેન્સ સાથે શેર કર્યા હતા. ટ્વિટર પર #AskKapil દરમિયાન કોમેડિયનથી એક ફેનએ પૂછ્યું-કપિલ સર શો ઓફ એર કેમ કરી રહ્યાં છો તો તેના જવાબમાં કપિલે કહ્યું હતું, કારણ કે બીજા બાળકના આગમન પર મારે મારી પત્ની સાથે રહેવું છે. 

તમને જણાવી દઈએ કે, કપિલ શર્મા એક દીકરીનો પિતા છે. તેનું નામ અનાયરા છે. કપિલ સોશિયલ મીડિયા પર અનાયરાના ઘણાં ફોટોઝ અને વીડિયો શેર કરતો રહે છે. કપિલના વર્કફ્રંટની વાત કરીએ તો તે ટૂંક સમયમાં નેટફ્લિક્સ પર જોવા મળશે. તેણે એક વીડિયો દ્વારા આ વાતની જાહેરાત કરી હતી. 

આ સાથે જ થોડાં સમય પહેલાં એવા સમાચાર આવ્યા હતા કે કપિલ શર્મા શો બંધ થઈ રહ્યો છે પરંતુ ચેનલ તરફથી આ વાતની કોઈ પુષ્ટિ થઈ નથી. તમને જણાવી દઈએ કે, કપિલ અને ગિન્નીના લગ્ન 2018માં થયા હતા. તેમના લગ્નની તસવીરો અને વીડિયો ખૂબ વાયરલ થયા હતા.