ભારતને પહેલો વર્લ્ડ કપ અપાવનારા કેપ્ટન કપિલ દેવે તેના ફેન્સને સરપ્રાઈઝ કરી દીધા છે. હકીકતમાં હાલમાં જ કપિલ દેવના નવા લુકની તસવીરો સોશિયલ મીડિયા પર વાયરલ થઈ રહી છે. કપિલ દેવે જે લુક ધારણ કર્યો છે તેને જોઈને ફેન્સ દંગ રહી ગયા છે.
કપિલદેવે તેના માથાના વાળ શેવ કરી દીધા છે. દાઢી વધારી દીધી છે. જેથી તેનો લુક પહેલાં કરતા સાવ અલગ દેખાઈ રહ્યો છે. કોરોના વાયરસને કારણે ભારતમાં લોકડાઉન ચાલુ છે અને ક્રિકેટ જગતથી જોડાયેલાં તમામ લોકો અને ક્રિકેટરો હાલ પોતાના ઘરે પરિવાર સાથે સમય વિતાવી રહ્યાં છે. ત્યારે લોકડાઉનમાં પાર્લર અને સલૂન પણ બંધ છે. જેથી વાળ વધી જવાની સમસ્યા ઘણાં લોકોને પરેશાન કરી રહી છે.
કપિલ દેવે તેના આ લુકમાં અલગ-અલગ પોઝ આપીને ફોટોઝ ક્લિક કર્યા છે. સાથે જ કપિલે બ્લેક ગોગલ્સ પણ પહેર્યાં છે. જેમાં તેઓ હેન્ડસમ લાગી રહ્યાં છે. તમને જણાવી દઈએ કે, કપિલ દેવે અગાઉ દેશવાસીઓને લોકડાઉનમાં ઘરમાં જ રહેવાની અપીલ કરી હતી. તેમણે કહ્યું હતું-લોકોએ ઘરમાં જ રહેવું જોઈએ, કારણ કે ઘરમાં રહીને જ લોકો આ બીમારી સામે લડી શકે છે.
1983માં ભારતને વર્લ્ડ કપ જીતાડનાર કપિલ દેવનો નવો લુક ફેન્સને ઘણો પસંદ આવી રહ્યો છે. કપિલની ગ્રે કલરની દાઢી પણ લોકોને પસંદ આવી રહી છે. તમને જણાવી દઈએ કે, હાલમાં જ ઓસ્ટ્રેલિયાના ઓપનર ડેવિડ વોર્નરે પણ તેના વાળ શેવ કરી દીધા હતા.