ગુજરાતમાં દુષ્કર્મીઓને એક બાદ એક સજા સંભળાવવામાં આવી રહી છે. ત્યારે છેલ્લા કેટલાક મહિનાઓમાં અનેક દુષ્કર્મીઓને ફાંસી અને આજીવન કેદની સજા સંભળાવાઇ ચૂકી છે.
ખેડા જિલ્લાના કપડવંજમાં દુષ્કર્મ અને હત્યા કેસમાં 3ને ફાંસી
દુષ્કર્મ કેસમાં સેશન્સ કોર્ટે ફટકારી ફાંસીની સજા
2018માં યુવતી પર આચર્યું હતું સામુહિક દુષ્કર્મ
ખેડા જિલ્લાના કપડવંજમાં દુષ્કર્મ અને હત્યા કેસમાં ત્રણ દોષિતોને સેશન્સ કોર્ટે એક સાથે ફાંસીની સજા સંભળાવી છે. વર્ષ 2018માં ગોપી ઉર્ફે ભલા દેવીપૂજક, બાબા ઉર્ફે કંકુડીયો રમેશભાઈ વાદી અને જયંતિ બબાભાઈ વાદીને નામના આરોપીએને કોર્ટે ફાંસીની સજા સંભળાવી છે. કપડવંજ સેશન્સ કોર્ટે ચુકાદો સંભળાવતા દુષ્કર્મના આરોપીઓમાં ફફડાટ વ્યાપી ગયો હતો. આ અંગે સામે આવેલી વિગતો અનુસાર યુવતી પર સામુહિક દુષ્કર્મ અને હત્યાંના કેસમાં અદાલતે આ ત્રણેય લોકોને સજા ફટકારી છે. આ ઘટના અંગે વિગતે વાત કરીએ તો, વર્ષ 2018માં કપડવંજના નિરમાલી ગામની સીમમાં આ આરોપીઓએ સામુહિક દુષ્કર્મ બાદ હત્યાં કરી પુરાવાનો નાશ કર્યો હતો. હવે કપડવંજ સેશન્સ અદાલતે ધાક બેસાડતો ચુકાદો આપ્યો છે.
એકલા ગુજરાતમાં 3 વર્ષમાં દુષ્કર્મની 1,568થી વધુ ઘટના બની ચૂકી છે. ‘ડેથ પેનલ્ટી ઇન ઇન્ડિયા 2020’ અનુસાર, દેશમાં છેલ્લા 5 વર્ષમાં કોર્ટો દ્વારા દ્વારા વિવિધ ગુનાઓમાં કુલ 606 આરોપીઓને ફાંસીની સજા સંભળાવવામાં આવી છે, જેમાં 240 આરોપીઓ દુષ્કર્મના છે. તો ગુજરાતમાં 6 આરોપીઓ ફાંસીની સજાના વેઇટિંગ લિસ્ટમાં છે. 2016થી 2020 સુધી રાજ્યમાં કુલ 11 આરોપીઓને સેશન્સ કોર્ટ દ્વારા ફાંસીની સજા સંભળાવવામાં આવી છે. નેશનલ ક્રાઇમ રેકોર્ડ બ્યુરોના તાજેતરના અહેવાલ મુજબ, દુષ્કર્મના બનાવોમાં 94 ટકા કેસોમાં આરોપી પીડિતાના જાણકાર જ હતા. ત્યારે જાણો છેલ્લા 1 મહિનામાં કેટલા દુષ્કર્મીઓને થઇ સજા...
બનાસકાંઠા જિલ્લાના ડીસામાં દોઢ વર્ષ અગાઉ મૂકબધિર કિશોરી સાથે દુષ્કર્મ આચરી હત્યા કરનાર નીતિન ચૌહાણ નામના આરોપીને ડીસા એડિશનલ સેશન્સ કોર્ટે ફાંસીની સજા સંભળાવી છે. ડીસા કોર્ટના ઇતિહાસમાં પ્રથમ વખત કોઈ આરોપીને ફાંસીની સજા અપાઇ છે. આરોપી સામે પોસ્કો 376, 302 મુજબ નોંધાયો ગુનો હતો. સરકાર તરફથી સી.જી.રાજપૂતની દલીલોના આધારે ફાંસીની સજા આપવામાં આવી છે.
ગોંડલ કોર્ટે સૃષ્ટિ વિરુદ્ધનું કૃત્ય આચરનારને 20 વર્ષની સજા ફટકારી છે. 7 વર્ષના બાળક સાથે UPના શખ્સે સૃષ્ટિ વિરુદ્ધનું કૃત્ય આચર્યું હતું. નેપાળી પરિવારનો બાળક હતો. 16 ફેબ્રુઆરી 2021ના રોજ બનાવ બન્યો હતો.
મહેસાણામાં સામુહિક દુષ્કર્મ મામલે સેશન્સ કોર્ટે 7 આરોપીઓને 20 વર્ષની સખત કેદની સજા સંભળાવી હતી. વર્ષ 2018માં પરિણીતા સાથે સામૂહિક દુષ્કર્મ આચર્યુ હતું. અમદાવાદથી રાધનપુર જતી મહિલા પેસેન્જર સાથે રીક્ષા ચાલક અને તેના મિત્રોએ કૃત્ય આચર્યુ હતું.
ભાવનગરમાં સગીરાના અપહરણ અને દુષ્કર્મના કેસમાં ભાવનગર કોર્ટે 3 આરોપીઓને આજીવન કેદની સજા ફટકારી હતી. ભાવનગરના ત્રાપજ ગામ નજીકથી સગીરાનું અપહરણ થયું હતું. પોલીસે ગણતરીના કલાકોમાં આરોપીઓને ઝડપી પાડ્યા હતા. 24 કલાકમાં જ પોલીસે કોર્ટમાં ચાર્જશીટ ફાઇલ કરી હતી.
ડીસાની એડી. સેશન્સ કોર્ટે આકરૂ વલણ ડીસામાં દુષ્કર્મ મામલે દોષિત આરોપી પ્રધાનજી ઠાકોરને 20 વર્ષની સજા ફટકારી હતી. 2 વર્ષ અગાઉ સગીરા સાથે કૃત્ય આચર્યુ હતું.
નડિયાદ અને સુરતના દુષ્કર્મીને ફાંસીની સજા
આ અગાઉ 7 વર્ષની દીકરી સાથે આચરેલા દુષ્કર્મ કેસમાં નડિયાદ કોર્ટે પોક્સો કેસના આરોપીને 17-3-22ના રોજ ફાંસીની સજાનું એલાન કર્યું છે. સુરતના પાંડેસરામાં માતા-પુત્રીની હત્યાના કેસ મામલે આજે સુરત કોર્ટે બંન્ને દોષીતોને 7-3-22ના રોજ આકરી સજા કરી છે. દુષ્કર્મ બાદ હત્યાના આરોપી હર્ષ ગુર્જરને ફાંસીની સજા તથા હર્ષ ગુર્જરને મદદ કરનારા મિત્ર હરિઓમને આજીવન કેદની સજા કરવામાં આવી છે.