અમેરિકી રૈપર અને મ્યુઝિક પ્રોડ્યુસર કાન્યે વેસ્ટે હાલમાં જ વીડિયો સોશ્યલ મીડિયા પર શેર કર્યો છે. જેમાં તેઓએ પ્રતિષ્ઠિત ગ્રૈમી પુરસ્કાર પર પેશાબ કર્યો છે. વીડિયો સોશ્યલ મીડિયા પર ખૂબ જ વાયરલ થઈ રહ્યો છે. જે પણ આ વીડિયો જુએ છે તે વિચારમાં પડી જાય છે કે કાન્યે વેસ્ટ આવું કેવી રીતે કરી શકે. કાન્યે દ્વારા શેર કરાયેલા આ વીડિયોને 20 લાખથી પણ વધારે વ્યૂઝ મળ્યા છે. વીડિયોમાં ગ્રૈમી એવોર્ડ કમોડની અંદર પડેલો જોવા મળે છે અને કાન્યે તેની પર પેશાબ કરી રહ્યા છે.
અમેરિકી રૈપર કાન્યે વેસ્ટે શેર કર્યો વીડિયો
પ્રતિષ્ઠિત ગ્રૈમી પુરસ્કાર પર પેશાબ કર્યો
વીડિયોને 20 લાખથી પણ વધારે વ્યૂઝ
કાન્યે વેસ્ટે અનેક ટ્વિટ કર્યા છે તેના પરથી ખ્યાલ આવી જાય છે કે તેઓએ આવું શા માટે કર્યું. તેઓએ મ્યુઝિક કંપનીની આલોચના કરતાં આ વાતનો વિરોધ કર્યો કે એક કલાકારના સંગીત પર તેનો નહીં પણ મ્યુઝિક લેબલ્સનો હક હોય છે. વિરોધના રૂપમાં તેઓએ ગ્રૈમી એવોર્ડ પર પેશાબ કરીને વીડિયો પોસ્ટ કર્યો છે.
કાન્યે માફી માંગે તેવી અપીલ કરી રહ્યું છે સોશ્યલ મીડિયા
કાન્યેએ આ વીડિયોને પોસ્ટ કરતાં કહ્યું છે કે હું રોકાઈશ નહીં. કાન્યેએ પોતાના મ્યુઝિક કોન્ટ્રાક્ટના પેજ શેર કર્યા છે અને તેની સાથે કહ્યું કે આ આધુનિક સમયની ગુલામીથી આઝાદ થવા ઈચ્છે છે. સોશ્યલ મીડિયા યૂઝર તેને ટ્રોફીનું અપમાન ગણાવી રહ્યા છે અને કાન્યેને નિશાન બનાવી રહ્યા છે. તેમની આ હરકત માટે તેમને માફી માંગવાનું પણ કહેવામાં આવી રહ્યું છે.
ગ્રૈમી એવોર્ડ અમેરિકી ટીવી અને સિને જગતની પ્રતિષ્ઠિત ઓળખ છે જેને મેળવવું દરેકની ઈચ્છા હોય છે. કદાચ ગ્રૈમી એવોર્ડ્સના ઈતિહાસમાં પહેલી વાર તેની અવમાનના કરાઈ છે. ઉલ્લેખનીય છે કે કાન્યે વેસ્ટ અમેરિકી ટીવી સ્ટાર કિમ કાર્દિશિયાના પતિ છે.