અમેરિકાના જાણીતા ગાયક અને રૅપર કાન્યે વેસ્ટને ફોર્બ્સે હમણાં અબજપતિનો ખિતાબ આપ્યો છે. જો કે તેની સંપત્તિ 1.26 બિલિયન ડોલર ગણવામાં આવી છે જયારે કાન્યેનું કહેવું છે કે તેની સંપત્તિ હકીકતમાં 3.3 અબજ ડોલર છે. કાન્યેએ નારાજ થઇને કહ્યું કે લાગી રહ્યું છે કે ફોર્બ્સમાં લોકોને આંકડાઓની ગણતરી કરતા આવડતું નથી.
પોતાની પત્ની કિમ કાર્ડાશિયનની લાઈફ સ્ટાઇલ માટે ચર્ચામાં રહેતા કાન્યેની સાળી 22 વર્ષીય કાયલી જેનરને પણ સતત બીજા વર્ષે સૌથી યુવા અબજોપતિમાં સ્થાન મળ્યું છે. કાન્યેની ટીમે આ સ્થાન મેળવવા માટે ફોર્બ્સને વિવિધ ડોક્યુમેન્ટ્સ હતા. નોંધનીય છે કે કાન્યે પોતે એડિડાસ કંપની સાથે કોલાબરેશનમાં એક સ્પોર્ટ્સ વેર બનાવતી કંપની ચલાવે છે.
આ ડોક્યુમેન્ટમાં જાણવા મળ્યું છે કે કાન્યે પાસે અધધ 17 મિલિયન ડોલર એટલે કે 129 કરોડ રૂપિયા રોકડ સ્વરૂપે પડ્યા છે. આ ઉપરાંત તેણે 35 મિલિયન ડોલરના શેરબજારમાં સ્ટોક ખરીદેલા છે. ગયા વર્ષે પણ કાન્યેએ આ યાદીમાં પોતાનું નામ આવે એવા પ્રયત્નો કર્યા હતા પણ નામ ન આવતા તે નારાજ થયો હતો.
આ વર્ષે તેનું નામ તો આવ્યું છે પણ કાન્યેનું કહેવું છે કે તેની પાસે 3.3 અબજ ડોલરની સંપત્તિ છે. ફોર્બ્સ ઓછી સંપત્તિ લખીને તેને નીચો દેખાડી રહ્યા છે. કાન્યેએ નારાજ થઇને કહ્યું કે લાગી રહ્યું છે કે ફોર્બ્સમાં લોકોને આંકડાઓની ગણતરી કરતા આવડતું નથી. કાન્યેનો આક્ષેપ છે કે તે અશ્વેત હોવાથી તેની સાથે આમ કરવામાં આવી રહ્યું છે.
નોંધનીય છે કે કાન્યેની સાળી કાયલી જેનરે 2015માં પોતાની મેક અપ લાઈનમાં કંપની શરુ કરીને 29 ડોલરની કિંમતે લિપસ્ટિક કીટ્સ વેચવાથી શરૂઆત કરી હતી. તેનું આ સાહસ અત્યારે કાયલી કોસ્મેટિક્સ બ્રાન્ડ નામ ધરાવે છે જેનું વેલ્યુએશન 1.2 અબજ ડોલર એટલે કે અધધ 9000 કરોડ રૂપિયા છે. 22 વર્ષની કાયલી સેલ્ફ મેડ એટલે કે જાત મહેનતે બનેલી અબજોપતિ છે.