છોકરાને ગાડી ન આપો / VIDEO : રોડ પર છોકરા-છોકરીઓનો કાર સ્ટંટ, 100થી સ્પીડથી મહિલા-દીકરીને ઉડાવી મૂક્યાં

ઉત્તર પ્રદેશના કાનપુરથી એક હૃદયદ્રાવક વીડિયો સામે આવ્યો છે. કિદવાઈ એરિયામાં સ્કૂલમાંથી બંક મારીને 4 છોકરાએ કાર હાથમાં આવતાં રોડ પર અટકચાળા કર્યાં હતા પરંતુ તેમના અટકચાળામાં એક મહિલાનું મોત થયું અને તેની દીકરીને ગંભીર ઈજા થઈ હતી.

કાર હાથમાં આવતાં બેફામ બન્યાં છોકરા

17 વર્ષનો છોકરો તેનો દોસ્ત સાથે રસ્તા પર સ્ટંટ કરી રહ્યો હતો. તેમને 100ની સ્પીડે કાર ચલાવી હતી આ દરમિયાન સામેથી સ્કૂટીને કાર જોરદાર ટકરાવી હતી જેમાં સ્કૂટી સવાર મહિલાનું મોત થયું અને તેની દીકરીને ગંભીર ઈજા પહોંચી હતી. ટક્કર એટલી જોરદાર હતી કે માતા અને દીકરી અલગ અલગ દિશામાં 30 ફૂટ દૂર પડ્યાં હતા. આ સમગ્ર ઘટના નજીકમાં લાગેલા સિક્યોરિટી કેમેરામાં કેદ થઈ ગઈ હતી, જેમાં સ્પષ્ટ જોઈ શકાય છે કે કેવી રીતે દુર્ઘટના સમયે ભાવના મિશ્રા નામની મહિલા તેની પુત્રી સાથે ડૉક્ટરને મળીને પરત ફરી રહી હતી, ત્યારે કાર અથડાઈ હતી. અકસ્માત બાદ તરત જ પસાર થતા લોકોની મદદથી પીડિતોને હોસ્પિટલ લઈ જવામાં આવે છે. અધિકારીઓએ જણાવ્યું હતું કે, "મહિલાનું સારવાર દરમિયાન મોત નીપજ્યું છે, જ્યારે બાળકીના શરીર પર અનેક જગ્યાએ ફ્રેક્ચર છે, જેની સારવાર ચાલુ છે.

વધુ વાંચો : PGમાં રહેતી UPSCની હોનહાર છોકરીએ આપઘાત કરીને રડાવી દીધાં, શું લખ્યું નોટમાં?

ઘટનાને નજરે જોનાર લોકોએ શું કહ્યું

આ ઘટનાને નજરે જોનાર લોકોએ એવું કહ્યું કે કારમાં બે છોકરાઓ અને બે છોકરીઓ પણ હાજર હતા. બધા સગીર હતા અને સ્કૂલ બંક કર્યા પછી ફરવા નીકળ્યા હતા સગીર છોકરાની ધરપકડ કરવામાં આવી છે. તેમની પાસે ડ્રાઈવિંગ લાઇસન્સ નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ