Father's Day / 11 વર્ષથી વેન્ટિલેટર પર છે પિતા, બાળકોએ જે રીતે ફાધર્સ ડેની ઉજવણી કરી જાણીને આંખમાંથી આંશુ આવી જશે 

• એક દાયકાથી વધુ સમયથી વૃદ્ધ હતા સારવાર હેઠડ 
• બાળકોએ બીમાર પિતાને ખુશ કરવા શોધી અનોખી રીત
• પુત્ર અને પુત્રીએ બીમાર પિતા સાથે મળીને ઉજવ્યો ફાધર્સ ડે 

આજે ફાધર્સ ડેની ઉજવણી કરવામાં આવી રહી છે. માતા અને પિતા બંનેનું મહત્વ દરેક બાળકના જીવનમાં સમાન છે. ત્યારે યુપીના કાનપુર જિલ્લામાં એક ખૂબ જ ચોંકાવનારી તસ્વીર સામે આવી છે. પાછલા ઘણા વર્ષોથી એક વૃદ્ધ જે તેના ઘરના પલંગ પર જ છે. આ સમયમાં ન તો તે ક્યારેય ઘરની બહાર નીકળ્યા અને ન તો કોઈ જગ્યાએ ફરવા ગયા છે. 

11 વર્ષોથી પોતાનું જીવન પલંગ પર વિતાવી રહ્યા બ્રિજમોહન
છેલ્લા 4 વર્ષથી, બ્રિજમોહન મિનિ વેન્ટિલેટર પર છે અને ઘરે ઓક્સિજન સિલિન્ડર મુકવામાં આવ્યું છે. જ્યાં આખી દુનિયા ફાધર્સ ડેની ઉજવણી કરી રહી છે ત્યાં કાનપુરમાં અનોખા પ્રકારે ફાધર્સ ડેની ઉજવણી કરવામાં આવી. ઘણા વર્ષોથી બિમાર પિતાને ખુશ કરવા માટે બાળકોએ ફાધર્સ ડે દિવસ ઉજવ્યો. ફાધર્સ ડે નિમિત્તે, બાળકોએ બિમાર પિતાને ખુશ કરવા સાથે જ ઘરમાં આનંદ લાવવા અનોખી રીત સાથે ફાધર્સ ડેની ઉજવણી કરી હતી. તમને જણાવી દઈએ કે કાનપુરના રતનલાલ નગરમાં રહેતા બ્રિજમોહન 11 વર્ષોથી પોતાનું જીવન પલંગ પર વિતાવી રહ્યા છે.

પુત્ર અને પુત્રીએ બિમાર પિતા સાથે મળીને ઉજવ્યો ફાધર્સ ડે
પોતાના બાળકોને ખુશ આ રીતે ડાન્સ કરતા અને આનંદમાં જોઈને બિમાર પિતા પણ ખૂબ જ ખુશ થઈ ગયા હતા. ફાધર્સ ડેની ઉજવણીની વાત જ્યારે બ્રિજમોહન સાથે કરવામાં આવી તો તેણે ભીની આંખો સાથે જણાવ્યું કે આ રીતે બાળકો દ્વારા આપવામાં આવેલા સરપ્રાઈઝથી તેઓ ખૂબ જ ખુશ છે. સાથે જ તેમણે જણાવ્યું કે બાળકોને આ રીતે ડાન્સ કરતા જોઈને તેઓ પણ પોતાની જાતને ડાન્સ કરતા રોકી ન શક્યા.