કરુણતા / બેરોજગારીની હતાશામાં કરી પુત્રની હત્યા, બાદમાં પતિએ પત્નીને જે કહ્યું તે સાંભળી પગ નીચેથી જમીન સરકી ગઈ

કાનપુરમાં બેરોજગારીનો સામનો કરી રહેલા એક વ્યક્તિ હતાશાનો એવો શિકાર બન્યો કે તેણે પોતાના જ સાત વર્ષના પુત્રની હત્યા કરી દીધી. આરોપીની પત્નીનું કહેવું છે કે તે આખા પરિવારને મારી નાખવા માંગતો હતો. લોકડાઉન કર્યા પછી કોઈ નોકરી ન હતી જેના કારણે તે પરેશાન રહેતો હતો.

બેરોજગારીને કારણે હતાશામાં રહેતો હતો આ શખ્સ

કાનપુરના સીસામાઉ પોલીસ સ્ટેશન વિસ્તારમાં લકડમંડીનો રહેવાસી અલંકાર શ્રીવાસ્તવ શેરબજારમાં કામ કરતો હતો. તેની પત્ની સારિકા, કન્નૌજના રાદૌરા ગામની પ્રાથમિક શાળામાં શિક્ષિકા છે. આ કુટુંબમાં બે પુત્રીઓ, 16 વર્ષની તુલિકા, 10 વર્ષની ગીતિકા અને એક સાત વર્ષનો પુત્ર હતો. પત્નીએ જણાવ્યું કે આજે સવારે પતિએ તેને કહ્યું કે પુત્રનું ગળું દબાવી હત્યા કરી નાંખી છે. આ પછી પત્નીએ પોલીસને જાણ કરી હતી. પોલીસે ઘટના સ્થળે પહોંચી આરોપી અલંકાર શ્રીવાસ્તવની ધરપકડ કરી હતી.

મહિલાએ કહ્યું કે લૉકડાઉન બાદ પતિ અલંકાર શ્રીવાસ્તવનું કામ પૂર્ણરૂપે બંધ થઈ ગયું હતું. બેરોજગાર પતિ હતાશામાં રહેતો હતો. જ્યારે બીજી બાજુ બેરોજગારીને લઈને ટોણા પણ સાંભળવા પડ્યાં. 

પુત્રનું ગળું દબાવીને હત્યા કરી નાંખી

શુક્રવારે રાત્રે પતિએ બંને પુત્રીઓ અને પુત્રને ઊંઘની ગોળીઓ મિલાવીને દૂધ આપ્યું હતું. જે બાદ પુત્ર તારુષને ગરમી લાગવાને કારણ બહાર રૂમમાં લઈ ગયો અને તેની ત્યાં ગળુ દબાવીને હત્યા કરી દીધી.

પત્નીને કહ્યું, હવે આપણો દીકરો સલામત જગ્યાએ પહોંચી ગયો

એટલું જ નહીં, તેણે પત્નીને ઉઠાડીને કહ્યું, 'મેં આપણા પુત્રને સુરક્ષિત જગ્યાએ પહોંચાડી દીધો, હવે તે હંમેશા સલામત રહેશે'. પતિની વાત સાંભળીને પત્ની દીકરા પાસે દોડી ગઈ. જ્યાં તેને પુત્ર તારૂષ મૃત હાલતમાં મળી આવ્યો હતો. પત્નીનું કહેવું છે કે તેનો પતિ ઘણી વખત બોલતો રહેતો હતો કે તે આત્મહત્યા કરી લેશે. જ્યારે પત્ની તેને સમજાવતી હતી કે બધુ ઠીક થઈ જશે. 

મહિલાએ જણાવ્યું કે પતિએ સવારે પાંચ વાગ્યે તેને ઉઠાડી અને ઘટનાની જાણકારી આપી. આ કેસ અંગે માહિતી આપતાં S.P ડૉ. અનિલ કુમારે જણાવ્યું કે પિતાએ પોતાના દીકરાની હત્યા કરી છે. આરોપી પત્ની દ્વારા અપાયેલી જાણકારીના આધાર પર તેની ધરપકડની કાર્યવાહી કરાઈ રહી છે.