ઉત્તર પ્રદેશના ચૌબેપુરમાં આઠ પોલીસ કર્મચારીઓની હત્યાના કેસમાં ફરાર થયેલા વિકાસ દુબેને આખરે પોલીસે ઝડપી પાડ્યો છે. વિકાસ દુબેને મધ્યપ્રદેશના ઉજજૈનથી પકડી પાડવામાં પોલીસને સફળતા હાથ લાગી હતી.
કાનપુર કાંડનો મુખ્ય આરોપી ઝડપાયો
વિકાસ દુબે મધ્યપ્રદેશના ઉજ્જૈનથી ઝડપાયો
કાનપુર એન્કાઉન્ટર દરમિયાન 8 પોલીસ જવાનની હત્યા કરીને ફરાર થયેલા મોસ્ટ વોન્ટેડ વિકાસ દુબેને આખરે મધ્યપ્રદેશના ઉજ્જૈનથી દબોચી લેવાયો છે. મોસ્ટ વોન્ટેડ વિકાસ દુબે પોતાના જ એન્કાઉન્ટરથી બચવા માટે મહાકાલેશ્વર મંદિરમાં દર્શન કરવા માટે પહોંચ્યો હતો. ત્યાર બાદ તેને પોતે જ સરેન્ડર કર્યું હતું. એટલે કે એન્કાઉન્ટરથી બચવા માટે મંદિરનો સહારો લઈને વિકાસ દુબેએ સરેન્ડર કર્યું છે. મંદિરના સિક્યોરિટી ગાર્ડે આ મામલે પોલીસને જાણ કરતા તેની ધરપકડ કરી લેવામાં આવી છે. મળતી વિગતો મુજબ વિકાસ દુબે મહાકાલ મંદિર સામે ઉભો હતો. જ્યારે મીડિયા ત્યાં પહોંચ્યું ત્યારે એ જોરથી બુમો પાડવા લાગ્યો કે હું વિકાસ દુબે છું. ત્યાર પછી સ્થાનિક પોલીસે તેની ધરપકડ કરી લીધી છે. વિકાસ દુબે કાનપુરની ઘટના બાદ હરિયાણાના ફરિદાબાદમાં છુપાયો હતો. જ્યાં CCTVમાં તે કેદ પણ થયો હતો અને ત્યાંથી તે ફરાર થઈ ગયો હતો. કાનપુરના બિકરુ ગામનો રહેવાસી વિકાસ દુબેને ઝડપવા માટે પોલીસ ટીમ ગઈ હતી.
उत्तर प्रदेश सरकार के सूत्रों का कहना है कि कानपुर मुठभेड़ के मुख्य आरोपी विकास दुबे को उज्जैन के एक पुलिस स्टेशन में गिरफ्तार किया गया। pic.twitter.com/XEueHYcV7g
મહાકાલ મંદિરમાં એક શખ્સે પોતાને વિકાસ દુબે જણાવ્યું.
મંદિરના સિક્યુરિટી ગાર્ડે શખ્સને ઝડપી પાડ્યો.
સિક્યુરિટી ગાર્ડે મહાકાલ થાના પોલીસને કરી જાણ.
મહાકાલ થાના પોલીસે વિકાસ દુબેની કરી ધરપકડ.
વિકાસ દુબેને પોલીસ કંટ્રોલ રૂમની તરફ લઈને રવાના થઈ.
ફ્રીગંજ વિસ્તારમાં આવેલા કંટ્રોલ રૂમમાં વિકાસ દુબેને રખાયો.
ઉલ્લેખનીય છે કે આજે સવારે ઈટાવા પોલીસ સાથે કાર્યવાહીમાં બઉઆ દુબે નામના એક વ્યક્તિનું પણ મોત થયું છે. તેની પાસે રાયફલ અને પિસ્તોલ હતા. કાનપુર પોલીસે તેની ઓળખ આ નામથી કરી છે. કાનપુરની ઘટનામાં વિકાસ દુબેની સાથે આ વ્યક્તિ પણ હતો. તેની પર 50,000 રૂપિયાનું ઈનામ રાખવામાં આવ્યું હતું.
आज सुबह इटावा पुलिस के साथ मुठभेड़ में एक व्यक्ति(बउआ दुबे) की मौत हुई, उसके पास से राइफल और पिस्टल बरामद हुई है। कानपुर पुलिस ने उसकी पहचान बउआ दुबे के रूप में की है। ये कानुपर मुठभेड़ की घटना में विकास दुबे के साथ था और इस पर 50,000 रुपये का इनाम था: आकाश तोमर, SSP, इटावा pic.twitter.com/mxf2bSxfXL
આજે સવારે વિકાસ દુબેના સાથે પ્રભાત મિશ્રાનું પણ એન્કાઉન્ટર થયું હતું. તેની ગાડી ખરાબ થવાના કારણે તેણે ભાગવાની કોશિશ કરી હતી. પરંતુ તેમાં તેને સફળતા મળી નહીં.
गाड़ी खराब होने का फायदा उठाकर प्रभात मिश्रा ने पिस्टल छीनकर पुलिस पर फायर करने की कोशिश की और मुठभेड़ में मारा गया। इस मुठभेड में हमारे STF के 2 जवान और कुछ पुलिसकर्मी घायल हुए हैं: ADG, कानपुर ज़ोन pic.twitter.com/k8qNlMiAxl
વિકાસ દુબેનો નિકટતમ સહયોગી અમર દુબેને ઉત્તર પ્રદેશ એસટીએફએ ગઈકાલે એન્કાઉન્ટરમાં ઠાર માર્યો હતો. પોલીસે તેના માથે ૨૫ હજારનું ઈનામ જાહેર કર્યું હતું. અમર દુબે પણ કાનપુરકાંડમાં વોન્ટેડ હતો. યુપી એસટીએફના જણાવ્યા મુજબ અમર દુબેને તેમણે ઘેર્યો તો તેણે અચાનક ફાયરિંગ શરૂ કરી દીધું હતું. ત્યારબાદ જવાબી ફાયરિંગમાં અમર દુબેનું મોત થયું હતું. એન્કાઉન્ટરમાં ઠાર મરાયેલો અમર દુબે ગેંગસ્ટર વિકાસ દુબેનો રાઇટ હેન્ડ હોવાનું કહેવાય છે.
શું હતો સમગ્ર ઘટનાક્રમ?
કાનપુરના બિકરુ ગામમાં પોલીસકર્મી વિકાસ દુબેને ઝડપવા ગઈ હતી.
વિકાસ દુબે અને તેના સાગરીતોએ પોલીસકર્મીઓ પર ફાયરિંગ કર્યું હતું.
પ્લાનિંગ સાથે કરેલા અંધાધૂંધ ફાયરિંગમાં 8 પોલીસકર્મી શહીદ થયા હતા.
વિકાસ દુબેને પોલીસકર્મીએ જ આપી હતી રેડની માહિતી.
8 પોલીસકર્મીની હત્યા કર્યા બાદ વિકાસ દુબે થયો હતો ફરાર.
પોલીસે વિકાસનું મકાન પણ તોડી પાડ્યું હતું.
3 જુલાઈથી વિકાસ દુબે અને તેના સાગરીતો ફરાર હતા.
આ દરમિયાન પોલીસે 5 સાગરીતને એન્કાઉન્ટરમાં ઠાર માર્યા છે.
વિકાસ દુબે ઉત્તરપ્રદેશથી ફરિદાબાદ, નોઈડા તરફ પણ ભાગ્યો હતો.
આખરે વિકાસ દુબે મધ્યપ્રદેશના ઉજ્જૈનથી ઝડપાયો છે.
વિકાસ દુબે એન્કાઉન્ટરથી બચવા માટે મહાકાલ મંદિરમાં ગયો હતો.