કન્નડ ટેલિવિઝન જગતની જાણીતી એક્ટ્રેસ Mebiena Michaelનું મંગળવારે સાંજે રોડ એક્સિડેન્ટમાં નિધન થઈ ગયું છે. એક્ટ્રેસ માત્ર 22 જ વર્ષની હતી. Pyaate Hudugir Halli Life રિયાલિટી શોથી એક્ટ્રેસને પ્રસિદ્ધિ મળી હતી. તે આ શો જીતી હતી. તેના અચાનક નિધનથી સમગ્ર કન્નડ ઈન્ડસ્ટ્રી શોકમાં છે.
એક્ટ્રેસ Mebiena Michaelનું નિધન
22 વર્ષની ઉંમરે રોડ એક્સિડેન્ટમાં થયું અવસાન
એક્ટ્રેસ Pyaate Hudugir Halli Life રિયાલિટી શો જીતી હતી
તમને જણાવી દઈએ કે, મંગળવારે એટલે કે, 26 મેના રોજ સાંદે Mebiena Michaelની કારની એક ટ્રક સાથે ભયાનક ટક્કર થઈ ગઈ અને એક્ટ્રેસનું ઘટનાસ્થળે જ નિધન થઈ ગયું. સૂત્રો મુજબ એક્ટ્રેસ તેના હોમટાઉન માદિકેરી જઈ રહી હતી. આ અકસ્માત કર્ણાટકના દેવીહલ્લી પાસે થયો હતો. કારમાં એક્ટ્રેસ સાથે તેના અન્ય મિત્રો પણ હતા, જેમને હોસ્પિટલ ખસેડવામાં આવ્યા છે અને તેમનો ઈલાજ ચાલી રહ્યો છે.
Shock to hear the sudden demise of one of my favourite contestant and winner of phhl 4 ..mebina,soo young and full of life,can't digest the fact..my prayers for her family to get over the tragedy🙏🙏 pic.twitter.com/KuB0UdsWnz
Pyaate Hudugir Halli Lifeના હોસ્ટ અકુલ બાલાજી આઘાતમાં છે. તેમણે ટ્વિટ કરીને લખ્યું- મારી ફેવરિટ કન્ટેસ્ટન્ટ અને Pyaate Hudugir Halli Life સીઝન-4ની વિનરનું આમ અચાનક દુનિયાને અલવિદા કહી દેવું આઘાતજનક છે. મને વિશ્વાસ નથી થઈ રહ્યો છે તે હવે આપણી વચ્ચે નથી રહી. તેના પરિવારને ભગવાન આ સંકટ સમયથી લડવાની શક્તિ આપે.
તમને જણાવી દઈએ કે, Mebiena Michaelને Pyaate Hudugir Halli Life રિયાલિટી શો દ્વારા ખૂબ લોકપ્રિયતા મળી હતી. આ શોમાં કન્ટેસ્ટન્ટને પોતાનું ઘર છોડીને એક ગામમાં રહેવાનું હોય છે. આ લોકોએ તમામ સુખ-સુવિધાઓ છોડીને ગામડાની લાઈફ વિતાવવાની હોય છે.