દક્ષિણ ભારતમાં હાલમાં હાઈપ્રોફાઈલ ડ્રગ્સ કાંડમાં ફસાયેલી અભિનેત્રી રાગિની દ્વિવેદી મુદ્દે એક મોટો ખુલાસો થયો છે.
ડ્રગ્સ રેકેટ કેસમાં ફસાઈ છે કન્નડ અભિનેત્રી
ડ્રગ્સ કેસ તપાસમાં યુરિન ટેસ્ટમાં કરી હતી છેડછાડ
યુરિનમાં પાણી મિક્સ કરીને ડૉકટરને આપ્યા ટેસ્ટ
દક્ષિણ ભારતમાં પકડાયું મોટું ડ્રગ્સ રેકેટ
સેન્ડલવુડ ડ્રગ્સ રેકેટ કેસમાં ફસાયેલી કન્નડ અભિનેત્રી રાગિની દ્વિવેદીની ચોથી સપ્ટેમ્બરનાં રોજ ધરપકડ કરવામાં આવી હતી. હવે તે કેસમાં મોટો ખુલાસો થયો છે. એક રિપોર્ટ અનુસાર જ્યારે ડ્રગ ટેસ્ટમાં રાગિનીથી યુરિન માંગવામાં આવ્યું તો તેમણે યુરિનમાં પાણી મિક્સ કરીને ડોક્ટરને આપી દીધું. નોંધનીય છે કે તેમના ઘરમાં રેડ મારવામાં આવી હતી અને તે બાદ તેમની ધરપકડ થઇ હતી.
યુરિનમાં પાણી મિલાવીને આપ્યું
આ મામલામાં જ્યારે ડ્રગ ટેસ્ટ માટે રાગિનીને બેંગ્લોરનાં કેસી જનરલ હોસ્પિટલમાં લાવવામાં આવી ત્યારે રાગિનીએ જે સેમ્પલ આપ્યું હતું તેમાં છેડછાડ કરાયેલ જ હતી. તબીબોએ આ જાણકારી અધિકારીઓને આપી. નોંધનીય છે કે રાગિનીથી છેલ્લા કેટલાક દિવસમાં ડ્રગ્સ લીધા છે કે કેમ તે તપાસવા માટે આ યુરિન ટેસ્ટ કરવામાં આવ્યો હતો.
હવે ફરીથી ટેસ્ટ કરવામાં આવશે
અભિનેત્રીએ ખૂબ ચાલાકીથી તે યુરિનમાં પાણી મિક્સ કરીને આપ્યું કારણ કે પાણી મિલાવવાથી યુરિનનું તાપમાન ઘટી જાય છે અને તપાસને ભટકાવી શકાય, જોકે રાગિની પકડાઈ ગઈ અને ફરીથી ટેસ્ટ કરવામાં આવ્યા છે.
કસ્ટડી પણ વધારી દેવામાં આવી
રાગિનીએ હવે ફરીથી યુરિન ટેસ્ટ આપવા પડશે. તપાસ કરી રહેલા અધિકારીઓએ આ ઘટનાની જાણ મજીસ્ટ્રેટને કરી છે અને ધરપકડની માંગ કરી છે. જે બાદ મજીસ્ટ્રેટે આ અપીલનો સ્વીકાર કરતા રાગિનીની કસ્ટડી ત્રણ દિવસ માટે વધારી દીધી છે.
નોંધનીય છે કે રાગિની દક્ષિણ ભારતની ફિલ્મોમાં કામ કરે છે અને મુખ્ય રૂપે કન્નડ અભિનેત્રી છે. એક મોડલના રૂપમાં તેમણે 2008માં ફેમિના મિસ ઇન્ડિયા સ્પર્ધામાં ભાગ લીધો હતો.