IPLIN
 

અંતિમ સફર / VIDEO : સુપરસ્ટારની છેલ્લી ઝલક માટે હજારો લોકો ઉમટ્યા, દીકરી અમેરિકાથી આવે પછી રાજકીય સન્માન સાથે અંતિમસંસ્કાર

Team VTV 11:47 AM, 30 Oct 21 | Updated: 12:15 PM, 30 Oct 21
Follow us
Kannada actor to be cremated with full state honors

કન્નડ ફિલ્મના સુપરસ્ટાર પુનીત રાજકુમારનું શુક્રવારે હાર્ટ એટેકના કારણે અવસાન થયું હતું. તેમના નિધનથી સમગ્ર કર્ણાટક શોકમાં ડૂબી ગયું છે. 

  • કન્નડ સુપરસ્ટાર પુનીત રાજકુમારનું અવસાન
  • ગઇ કાલે હાર્ટ એટેકના કારણે થયું નિધન
  • આજે રાજકીય સન્માન સાથે થશે અંતિમ સંસ્કાર

તેમની પુત્રી USAથી પરત ફર્યા બાદ શનિવારે બેંગલુરુમાં તેમના અંતિમ સંસ્કાર કરવામાં આવશે. તેમને સંપૂર્ણ રાજ્ય સન્માન સાથે અંતિમ વિદાય આપવામાં આવશે. પુનીત રાજકુમારના પાર્થિવ દેહને ચાહકોના દર્શન માટે કાંતિરવા સ્ટેડિયમમાં રાખવામાં આવ્યો છે.

 

 

 

46 વર્ષીય અભિનેતા પુનીત રાજકુમારના નિધનથી સમગ્ર ફિલ્મ જગતમાં શોકની લહેર છે. તેમનું નિધન ફેન્સ માટે કોઈ મોટા આઘાતથી ઓછું નથી. આવી સ્થિતિમાં તેમને છેલ્લી વાર જોવા માટે લાખો લોકો કાંતિરવા સ્ટેડિયમ પહોંચ્યા હતા.

 

 

 

 

આ તસવીરોમાં જોવા મળે છે કે કેવી રીતે પુનીતના ચાહકો તેની અંતિમ ઝલક માટે ભીડમાં ઉભા છે. કર્ણાટક સરકાર ચાહકોને નિયંત્રિત કરવા અને અરાજકતા અને બબાલની અપેક્ષાએ સુરક્ષા વધારવા માટે સખત મહેનત કરી રહી છે. રાજ્યમાં ઘણા વિસ્તારોમાં કલમ 144 લાગુ કરવામાં આવી છે અને તમામ થિયેટર બંધ કરી દેવામાં આવ્યા છે.

 

 

સોશ્યલ મીડિયા પર તેમના નિધન પછી, ઘણા સાઉથ સહિત ઘણા બોલિવૂડ સેલેબ્સે પણ શોક વ્યક્ત કર્યો અને સોશ્યલ મીડિયા દ્વારા તેમને શ્રદ્ધાંજલિ આપી.

પુનીત ડૉ. રાજકુમાર અને પર્વતમ્માના 5 બાળકોમાં સૌથી નાનો હતો. તેમના પરિવારમાં પત્ની અશ્વિની રેવંત અને બે પુત્રી છે. પુનીતના પિતા રાજકુમાર દક્ષિણ ભારતીય સિનેમાના આઇકોન હતા. તેઓ કન્નડ ફિલ્મ ઉદ્યોગમાં દાદાસાહેબ ફાળકે એવોર્ડ મેળવનાર પ્રથમ અભિનેતા હતા. પુનીત હાલમાં ચેતન કુમાર દ્વારા નિર્દેશિત જેમ્સ માટે શૂટિંગ કરી રહ્યો હતો પરંતુ તે આ ફિલ્મ પૂરી કરી શક્યો નહોતો.

 

 

પુનીત રાજકુમારે 1985માં બાળ કલાકાર તરીકે પોતાની કારકિર્દીની શરૂઆત કરી હતી. તેણે લગભગ 29 કન્નડ ફિલ્મોમાં કામ કર્યું છે. તેને બેટ્ટાડા હૂવુમાં તેના અભિનય માટે શ્રેષ્ઠ બાળ કલાકારનો રાષ્ટ્રીય ફિલ્મ પુરસ્કાર પણ મળ્યો હતો. તે સિવાય તેમને ચાલીસુવા મોદગાલુ અને યેરાડુ નક્ષત્રગાલુ ફિલ્મોમાં તેમના શાનદાર અભિનય માટે શ્રેષ્ઠ બાળ અભિનેતાનો કર્ણાટક રાજ્ય પુરસ્કાર મળ્યો છે.

puneeth rajkumar kannad film industry Entertainment Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ