બોલીવૂડ એક્ટર સુશાંત સિંહ રાજપૂતના નિધનના સમાચારની સ્યાહી હજી સૂકાઇ નથી ત્યારે વધુ એક એક્ટરના નિધનના સમાચાર સામે આવ્યા છે. કન્નડ એક્ટર સુશીલ ગૌડા પોતાના હોમટાઉન મંડ્યા(કર્ણાટક)માંથી મૃત હાલતમાં મળી આવ્યા છે. તેમના નિધનની ઇન્ડસ્ટ્રીમાં શોકની લહેર પ્રસરી ગઇ હતી. જણાવી દઇએ કે, તેની ઉંમર માત્ર 30 વર્ષની હતી.
કન્નડ અભિનેતા સુશીલ ગૌડાનો આપઘાત
દિગ્ગજોએ આપી શ્રદ્ધાંજલિ
જો કે, તેમના મોત પાછળનું કારણ હજી સુધી સામે આવ્યું નથી. સુશીલ ગૌડાએ કન્નડ ટીવી સીરિયલ અંતપુરીમાં કામ કરવા બદલ ઓળખવામાં આવતો હતો. તે કન્નડ ફિલ્મ 'સલગા'માં પણ નજર આવ્યા હતા. આ ફિલ્મમાં તેઓએ પોલીસનો રોલ ભજવ્યો હતો.
સુશીલ ગૌડા (Susheel Gowda) એક્ટર સાથે ફીટનેસ ટ્રેનર પણ હતો
સુશીલ ગૌડા (Susheel Gowda) એક્ટર સાથે ફીટનેસ ટ્રેનર પણ હતો. સુશીલ સતત કન્નડ ફિલ્મ ઉદ્યોગમાં પોતાને એસ્ટાબ્લિસ કરવા માટે સખત મહેનત કરતો હતો. અભિનેત્રી અમિતા રંગનાથે તેની ઇન્સ્ટાગ્રામ સ્ટોરી પર સુશીલ ગૌડાને શ્રદ્ધાંજલિ આપી છે. અમિતા રંગનાથે તેની સાથે 'અંતાપુરા'માં કામ કર્યું હતું.
સુશીલ ગૌડાના નિધનને પગલે અભિનેતા દુનિયા વિજયે પણ સોશિયલ મીડિયા પર પોસ્ટ શેર કરીને દુ:ખ વ્યક્ત કર્યું છે. તેમણે લખ્યું કે, જ્યારે મેં તેને પહેલી વખત જોયો ત્યારે તે હીરા જેવો લાગી રહ્યો હતો. ફિલ્મ રિલીઝ થયાંના પહેલા જ તેઓ ઝડપથી છોડીને ચાલ્યો ગયો.