બોલિવુડ સિંગર કનિકા કપૂર લંડનથી આવ્યા પછી COVID 19 પોઝિટિલ હોવાની જાણ થઇ છે. કનિકા કપૂરનો કોરોનાનો ત્રીજો ટેસ્ટ કરવામાં આવ્યો છે. જે પોઝિટિવ છે. આ પહેલો રવિવાર પણ કનિકાનો ટેસ્ટ કરવામાં આવ્યો હતો, તે પણ પોઝિટિવ આવ્યો હતો. લખનૌથી સંજય ગાંધી પોસ્ટ ગ્રેજ્યુએટ ઇન્સ્ટિસ્યૂટ ઑફ મેડિડલ સાયન્સમાં કનિકાની સારવાર ચાલી રહી છે.
એસજીપીજીઆઇએમએસના ડિરેક્ટર પ્રોફેસરે કહ્યુ કે, કનિકાનો ટેસ્ટ સતત પોઝિટિવ આવી રહ્યો ચે. જ્યાં સુધી ઓછામાં ઓછા 2 રિપોર્ટ નેગેટિવ ના આવે ત્યાં સુધી તેની સારવાર ચાલુ રહેશે.
આ તરફ કનિકાનો ફ્રેન્ડ ઓજસ દેસાઇ તેની સાથે બે દિવસ તાજ હોટલમાં રોકાયો હતો. જે બાદ ઓજસ ગુમ થયો હોવાના અહેવાલો હતો. જોકે બાદમાં ઓજસ સામે આવીને પોતાનું નિવેદન જાહેર કર્યુ હતુ. જે પ્રમાણે, તેણે મુંબઇની કસ્તૂરબા હોસ્પિટલમાં COVID 19 નો ટેસ્ટ કરાવ્યો હતો. જેનો રિપોર્ટ નેગેટિવ આવ્યો છે. તેણે પોતાનો રિપોર્ટ સોશ્યલ મીડિયા પર પોસ્ટ કર્યો હતો.
ઉલ્લેખનીય છે કે, કનિકાના સંપર્કમાં આવેલા તમામ લોકોના કોરોનાનો રિપોર્ટ નેગરેટિવ આવ્યા છે. લખનૌમાં કનિકાએ ઘણા બિઝનેસમેન અને નેતાઓ સહિતની હસ્તીઓ સાથે પાર્ટી કરી હતી. તો તરફ કનિકા કપૂર સામે બેદરકારી દાખવવા માટે ફરિયાદ કરવામાં આવ્યા છે. કનિકા પર સ્ક્રીનિંગ કરાયા વિના એરપોર્ટ પર ભાગી જવાનો અને કોરોના પોઝિટિવ હોવા છતાં પાર્ટીમાં સામેલ થવાનો આરોપ છે.
થોડા સમય પહેલા સિંગરે પોતાના ઑફિશ્યલ સોશ્યલ મીડિયા એકાઉન્ટ પર કોરોના પોઝિટિવની વાત શૅર કરી હતી. કનિકાએ ઇન્સ્ટાગ્રામ પર ફોટો શૅર કરીને કહ્યુ કે, ''છેલ્લા ચાર દિવસથી ફ્લૂના લક્ષણો દેખાતા હતા. મેં કોરોનાનો ટેસ્ટ કરાવ્યો પોઝિટિવ આવ્યુ. હું અને મારી ફેમિલી હાલમાં ક્વોરન્ટીનમાં છીએ. ડોક્ટરોની સલાહ પ્રમાણે આગળ વધી રહ્યા છીએ. હું જેટલા લોકોના સંપર્કમાં આવી છું તેમની તપાસ થઇ રહી છે.''