બોલિવૂડની સિંગર કનિકા કપૂરનો કોરોના રિપોર્ટ પોઝિટિવ આવ્યો છે અને હાલ તે લખનઉના હોસ્પિટલમાં એડમિટ છે, પરંતુ હવે કનિકા કપૂરને લઈને અનેક ચોંકાવનારી બાબતો સામે આવી રહી છે. એવા સમાચાર છે કે, કનિકા કપૂર ઘણાં દિવસથી ફ્લૂથી પીડિત હતી અને આ દરમિયાન જ તેણે એક ફાઈવ સ્ટાર હોટલમાં એક કોંગ્રેસ સાંસદની પાર્ટી પણ અટેન્ડ કરી હતી.
કનિકાને કોરોના પોઝિટિવ આવતા મચ્યો હડકંપ
કોંગેસના સાંસદની પાર્ટીમાં હાજરી આપવા પહોંચી હતી સિંગર
વસુંધરા રાજે અને અને બીજેપી સાંસદ દુષ્યંત સિંહ પણ પાર્ટીમાં હાજર હતા
While in Lucknow, I attended a dinner with my son Dushyant & his in-laws. Kanika, who has unfortunately tested positive for #Covid19 was also a guest.
As a matter of abundant caution, my son & I have immediately self-quarantined and we’re taking all necessary precautions.
આ પાર્ટીમાં લગભગ 400થી વધુ લોકો સામેલ થયા હતા. આ પાર્ટીમાં સામેલ થનારા લોકોમાં રાજસ્થાનના પૂર્વ મુખ્યમંત્રી વસુંધરા રાજે અને તેમના દિકરા અને બીજેપી સાંસદ દુષ્યંત સિંહ પણ સામેલ થયા હતા. એ વાતની જાણકારી વસુંધરા રાજેએ ટ્વિટ કરીને આપી હતી. આ પાર્ટી રવિવારે યોજાઈ હતી અને એ જ દિવસે કનિકા લંડનથી ભારત આવી હતી. લંડનથી પરત આવ્યા બાદ જે બિલ્ડિંગમાં કનિકા રોકાઈ હતી ત્યાં પણ ભયનો માહોલ જોવા મળી રહ્યો છે.
કનિકા કપૂરની સાથે પાર્ટીમાં દુષ્યંત સિંહ પણ સામેલ થયા હતા એવા સમાચાર બાદ હડકંપ મચ્યો છે કારણ કે, એ પછી એટલે કે ગુરૂવારે દુષ્યંત સિંહ સાંસદમાં પણ હાજર રહ્યાં હતા અને તેઓ રાષ્ટ્રપતિ ભવનમાં આયોજિત એક કાર્યક્રમમાં પણ સામેલ થયા હતા. જોકે, હવે એવા સમાચાર આવી રહ્યાં છે કે, કનિકા કપૂર કોરોના પોઝિટિવ આવ્યા બાદ દુષ્યંત સિંહ અને વસુંધરા રાજે આઈસોલેશનમાં જતાં રહ્યાં છે. કનિકા કપૂરે પણ ઈન્સ્ટાગ્રામ પર તેને કોરોનાનો ચેપ લાગ્યો હોવાની જાણકારી આપી છે.
Singer Kanika Kapoor: I was scanned at the airport as per normal procedure 10 days ago when I came back home, the symptoms have developed only 4 days ago. https://t.co/Z4BMAViM3c
કનિકા કપૂરે તેના સોશિયલ મીડિયા એકાઉન્ટ પર લખ્યું- બધાંને નમસ્કાર, છેલ્લા 4 દિવસથી મને ફ્લૂ હતો. મેં તપાસ કરાવી તો કોવિડ-19 પોઝિટિવ આવ્યું છે. હું અને મારો પરિવાર આઈસોલેશનમાં છીએ અને સારવાર હેઠળ છીએ. જે લોકો સાથે મારો સંપર્ક થયો હતો એ લોકો વિશે પણ જાણકારી એકત્રિત કરવામાં આવી રહી છે. મને એરપોર્ટ પર સામાન્ય પ્રક્રિયા હેઠળ 10 દિવસ પહેલાં સ્કેન કરવામાં આવી હતી પણ જ્યારે હું ઘરે પરત આવી ત્યારે લક્ષણ માત્ર 4 દિવસ પહેલાં જ વિકસિત થયા હતા.