ચૂંટણી / કન્હૈયા કુમારની ચૂંટણી સભામાં બોલીવુડની અભિનેત્રી સ્વરા ભાસ્કરનો દબદબો, જીજ્ઞેશ મેવાણી પણ ઉપસ્થિત

લોકસભા ચૂંટણીમાં તમામ રાજકીય પાર્ટીઓ પોત-પોતાના સ્ટાર પ્રચારકોને મેદાનમાં ઉતારી રહ્યા છે. ખાસ કરીને બોલીવૂડ અભિનેતાઓનો દબદબો જોવા મળી રહ્યો છે. તેવી જ એ ઝલક બેગૂસરાયમાં જોવા મળી હતી. જ્યાં કન્હૈયા કુમારની સ્ટાર પ્રચારકે પ્રચારમાં ચાર ચાંદ લગાવી દીધા.

કન્હૈયા કુમારની ચૂંટણી સભામાં બોલીવુડ અભિનેત્રી સ્વરા ભાસ્કરની મીઠી મધુર વાણીનો માહોલ હતો. હાલ લોકસભા ચૂંટણીને ધ્યાને રાખતા જોરશોરથી પ્રચાર પ્રસાર ચાલી રહ્યો છે. પોત-પોતાના ઉમેદવારોના સમસ્થનમાં બોલીવુડની હસ્તીઓ અને દિગ્ગજ નેતાઓ મેદાનમાં ઉતરી ગયા છે. તેવામાં બિહારની બેગૂસરાય બેઠક પરથી ભાકપાના ઉમેદવાર કન્હૈયા કુમાર માટે બોલીવુડ અભિનેત્રી સ્વરા ભાસ્કરે પ્રચારની કમાન સંભાળી છે. કમાન સંભાળતા જ કન્હૈયાના પક્ષમાં કેવો માહોલ જામ્યો છે. જાણો...
સ્વરા ભાસ્કરે પ્રચાર કરતા કન્હૈયાને નવું નામ પણ આપ્યું છે. તો જય હિંદ જય ભીમના નારા પણ ગુંજ્યા. આ ચૂંટણી સભામાં ગુજરાતના અપક્ષ ધારાસભ્ય જિજ્ઞેશ મેવાણી પણ જોવા મળ્યા હતા. જે કન્હૈયા માટે હાલ પ્રચાર કરી રહ્યા છે.
મહત્વનું છે કે, કન્હૈયા કુમારની સામે ભાજપમાંથી ગીરીરાજસિંહ મેદાનમાં છે. તો આ બેઠક પર કાંટાની ટક્કર પણ માનવામાં આવી રહી છે. ત્યારે જોવું રહ્યું કે, બિહારી લાલાના ગીરીરાજસિંહ સામે બાજી મારી શકે છે કે નહીં.