બોલિવૂડ અભિનેત્રી કંગના રણૌત હાલમાં ખૂબ વિવાદમાં છે એવામાં કંગના જ્યારે મુંબઈ આવી રહી હતી તે સમયે વિમાનમાં સુરક્ષા અને સોશ્યલ ડીસ્ટન્સનું જે ઉલ્લંઘન કરવામાં આવ્યું તેના પર રિપોર્ટ માંગવામાં આવી છે.
ચંડીગઢ-મુંબઈની ફ્લાઈટમાં થયું નિયમોનું ઉલ્લંઘન
ફ્લાઈટમાં જ વીડિયોગ્રાફી અને ફોટોગ્રાફી કરાઈ
ઈન્ડિગો પાસે DGCAએ માંગી રિપોર્ટ
વિમાન નિયામક DGCAએ ઈન્ડિગોને ચંડીગઢ-મુંબઈની ફ્લાઈટમાં મીડિયાકર્મીઓ દ્વારા સુરક્ષા અને સોશ્યલ ડીસ્ટન્સના નિયમોનું ઉલ્લંઘન કરવા મામલે એક રિપોર્ટ સોંપવા આદેશ કર્યા છે. નોંધનીય છે કે કંગના ફ્લાઈટથી મુંબઈ આવી રહી હતી ત્યારે ફ્લાઈટમાં મીડિયાકર્મીઓ દ્વારા ફોટોગ્રાફી અને વીડિયોગ્રાફી કરવામાં આવી રહી હતી,.
વરિષ્ઠ અધિકારીઓને આ વિશે શુક્રવારે જાણકારી આપવામાં આવી. DGCAના એક અધિકારીએ જણાવ્યું કે અમે આવા અમુક વીડિયો જોયા છે જેમાં મીડિયાકર્મીઓ બુધવારે આ ફ્લાઈટમાં એકબીજા સાથે નજીક નજીક ઉભા હતા. આ સુરક્ષા અને સોશ્યલ ડીસ્ટન્સના નિયમોનું ઉલ્લંઘન છે. અમે ઈન્ડીગોને આ ઘટના પર રિપોર્ટ આપવા આદેશ કર્યો છે.
વધુ એક અધિકારીએ પણ તેની પુષ્ટિ કરી છે અને કહ્યું કે કંપની પાસેથી રિપોર્ટ માંગવામાં આવી છે. અધિકારીએ કહ્યું કે રણૌત બુધવારે ચંડીગઢ-મુંબઈ ફ્લાઈટમાં આગળની કતારમાં બેઠી હતી જેમાં ઘણા બધા મીડિયાકર્મીઓ પણ સવાર થઇ ગયા હતા.
આ મામલે ઈન્ડિગોએ કહ્યું અમે અમારું નિવેદન DGCAને આપી દીધું છે. અમારા કેબિનમાં ક્રૂની સાથે કેપ્ટને ફોટોગ્રાફી પ્રતિબંધિત કરવા, સોશ્યલ ડીસ્ટન્સનું પાલન કરવા અને સુરક્ષા બનાવી રાખવા માટે ઘોષણાઓ સહીત બધા જ પ્રોટોકોલનું પાલન કરવામાં આવ્યું છે.
નોંધનીય છે કે કોરોના વાયરસના કારણે એક ગાઈડલાઈન જાહેર કરવામાં આવેલ છે જેમાં કહેવામાં આવ્યું છે કે ગંતવ્ય સ્થાન અને આગમન પર યાત્રીઓએ ક્રમમાં જવું અને એકત્ર થવા ન દેવા.