એક્ટ્રેસ કંગના રનૌત પોતાના નિવેદનોને લઇને જાણીતી છે, હાલમાં જ તેને ટ્વિટર પરથી હંમેશા માટે હટાવી દેવામાં આવી ત્યારે હવે ટ્રોલર્સને જડબાતોડ જવાબ આપ્યો છે.
ઇન્સ્ટાગ્રામ પર એક્ટિવ
જ્યારથી કંગનાનું ટ્વિટર અકાઉન્ટ ડિલીટ થયુ છે ત્યારથી તે ઇન્સ્ટાગ્રામ પર એક્ટિવ રહેવા લાગી છે. હાલમાં જ તેણે ઇઝરાયલમાં ચાલી રહેલા મુદ્દા પર એક વીડિયા શૅર કર્યો હતો અને યુઝર્સે તેને ટ્રોલ કરવાનો પ્રયત્ન કર્યો હતો. તેના પર કંગનાએ ટ્રોલર્સને જવાબ આપ્યો હતો.
કંગનાએ હાલમાં જ એક વીડિયો શૅર કર્યો અને કહ્યું કે, વર્ષોથી ઇઝરાયલ અને પેલેસ્ટાઇન વચ્ચે શું થઇ રહ્યું છે. જે બાદ પોતાની ઇન્સ્ટાગ્રામ સ્ટોરીમાં ટ્રોલર્સની ક્લાસ લગાવી હતી. તેણે કહ્યું કે, જેવી રીતે તમે વીડિયોમાં જોઇ રહ્યાં છો તે રીતે સંયુક્ત રાષ્ટ્રના હસ્તક્ષેપ બાદ 6 મુસ્લિમ રાષ્ટ્રોએ તેના પર હુમલો કરી દીધો હતો. ત્યારથી તેમના પર સતત હુમલો કરીને જમીન પર કબ્જો કરી રહ્યાં છે. જે લોકો અહીં રોઇ રહ્યાં છે અને કહી રહ્યા હતા કે મને કંઇ ખબર નથી તો બેટા હું અહી બધા બાપની મા છુ. ઔકાતમાં રહીને આગળથી વાત કરવી.
કંગનાએ આટલેથી વાત ન પતાવી, તેણે આગળ લખ્યું કે, જો આપણે તર્કનું રોદણુ રોઇએ છીએ તો ભારતમાં માત્ર હિન્દુ જ હોવા જોઇએ. અમેરિકામાં રેડ ઇન્ડિયન્સ અને ઓસ્ટ્રેલિયામાં ઓસ્ટ્રેલિયામાં આદિવાસી હોવા જોઇએ. તમે યહુદી અવૈધ લોકોની આ દુનિયામાં રહેવા લાયક નથી.
આ પહેલા પણ કંગનાએ આપ્યા છે આવા નિવેદનો
કંગનાએ પોતાની ઇન્સ્ટા સ્ટોરીમાં લખ્યું કે, ઇન્સ્ટાગ્રામે મારી તે પોસ્ટ ડિલીટ કરી દીધી જેમાં મે કોવિડને ખત્મ કરવાની વાત કરી હતી. કારણકે કેટલાક લોકોને દુઃખ થયુ હતુ. મતલબ આતંકવાદી અને કમ્યૂનિસ્ટને સહાનુભૂતિ આપવાવાળા લોકો વિશે સાંભળ્યુ હતુ ટ્વિટર પર પણ કોવિડ ફેન ક્લબ...ઓસમ...ઇન્સ્ટા પર 2 દિવસ થયા પણ મને નથી લાગતુ કે હું અહીં અઠવાડીયુ પણ ટકી શકીશ.
ગંગા નદીમાં લાશ મળવી એ સાવ નકલી ફોટા છે
કોરોના મહામારી વચ્ચે બિહાર અને ઉત્તરપ્રદેશની ગંગા નદીમાં નિયમિત રીતે લાશો મળી રહી છે. જેનાથી સરકાર અને પ્રશાસનની ચિંતા વધી ગઈ છે. પણ આ મોત કોરોનાથી થયા છે કે બીજા કોઈ કારણોથી તે હજી સુધી જાની શકાયું નહીં. જેની તસવીરો હવે સોશ્યલ મીડિયામાં વાયરલ થઈ રહી છે. પણ ગંગા નદીમાં મળી રહેલ આ લાશોને લઈ બૉલીવુડની અભિનેત્રી કંગના રનોટે પોતાની પ્રતિક્રિયા આપી છે. તેણે ઇન્સ્ટાગ્રામમાં ગંગામાં મળેલ લાશોના ફોટા શેર કરતાં કોંગ્રેસ પાર્ટી પર નિશાન સાધ્યું છે. તેણે લખ્યું છે કે "આ બધા ફોટા નકલી છે અને નાઇઝીરિયાના છે અને કોંગ્રેસ ગંગા નદીનું નામ લઈ વાયરલ કરી રહી છે. આ બધા ફોટો કોંગ્રેસના સોશ્યલ મીડિયા પરથી મૂકવામાં આવી રહ્યા છે.