IPLIN
 

બોલીવૂડ / કંગનાએ વેક્સિનને લઇને કહ્યું કંઇક એવુ કે લોકોએ સંભળાવ્યું, 'જો શેતાન હોત...'

Team VTV 09:44 AM, 23 Apr 21
Follow us
kangana tweeted on covid 19 vaccine

એક્ટ્રેસ કંગના રનૌત હંમેશા હેડલાઇન્સમાં રહે છે અને હવે તેણે વેક્સિનને લઇને મોટી વાત કરી દીધી છે. 

  • કંગનાએ કરી વેક્સિન પર ટ્વિટ 
  • સોશ્યલ મીડિયા પર ટ્વિટ થઇ વાયરલ
  • લોકોએ સંભળાવી ખરી ખોટી 

 

 

કંગનાએ વેક્સિનને લઇને એવી ટ્વિટ કરી કે તેને ટ્રોલ કરવામાં આવી રહી છે. એક્ટ્રેસ કોઇ પણ વાતે નિવેદન આપવાનુ ચુકતી નથી જેના કારણે તે ટ્રોલિંગનુ કારણ બની જાય છે. 

કંગનાએ કરી ટ્વિટ 
એક્ટ્રેસે હાલમાં જ પોતાની ટ્વિટમાં કહ્યું કે જે લોકો હજુ સુધી વેક્સિનને લઇને સરકાર પર દોષ લગાવી રહ્યા છે તે હવે આ જ વેક્સિનને લઇને આતુર થઇ રહ્યાં છે. આ ટ્વિટ જોઇને સોશ્યલ મિડીયા યુઝર્સ તેને ખરી ખોટી સંભળાવવા લાગ્યા હતા. કંગનાએ આ ટ્વિટ એવા સમયે કરી છે જ્યારે દેશમાં સૌથી વધારે કેસ સામે આવ્યા છે.

 

 

 

કંગના રનૌત પોતાના ટ્વિટ્સને લઇને ઘણી ચર્ચામાં રહે છે. તેનું કહેવું છે કે ભારત દેશમાં વધારે આબાદી હોવાના કારણે લોકો મરી રહ્યાં છે. તેણે કહ્યું કે, દેશમાં આબાદી વધી જ રહી છે અને તેના કારણે લોકો મરી રહ્યાં છે. ત્રીજુ બાળક થવા પર તેમના પર ફાઇન લગાવવો જોઇએ અને તેમને જેલની સજા મળવી જોઇએ. 

 

 

કંગનાએ લખ્યું કે, હાં તે સાચી વાત છે કે ઇન્દિરા ગાંધી ઇલેક્શન હારી ગઇ હતી અને બાદમાં તેમને મારી નાંખવામાં આવ્યા હતા કારણકે તે આ મુદ્દે એક્શન લેવા માંગતા હતા. 

 

 

કંગનાની આ ટ્વિટ સોશ્યલ મિડીયા પર વાયરલ થઇ રહી છે અને લોકોના આ વાત પર મિક્સ રિએક્શન આવી રહ્યાં છે. કોઇ તેની વાતને સપોર્ટ કરી રહ્યું છે તો કોઇ ટ્રોલ કરી રહ્યું છે. 

 

 

મહારાષ્ટ્ર સરકાર પર ટ્વિટ 
કંગના રનૌતે ટ્વિટ કરી છે અને તેની સાથે તસવીર શૅર કરીને લખ્યું કે, મહારાષ્ટ્રમાં લૉકડાઉન આવુ જ છે. એક્ટ્રેસની આ તસવીર સોશ્યલ મિડીયામાં ખુબ વાયરલ થઇ રહી છે. મહારાષ્ટ્રમાં કોરોનાના આંકડાઓએ જ્યારે રેકોર્ડ તોડ્યો ત્યારે સરકાર પાસે લૉકડાઉન કરવા સિવાય કોઇ જ વિકલ્પ નહોતો. ત્યારે તેમણે 15 દિવસનું લોકડાઉન આપી દીધુ હતુ. આ લૉકડાઉનને મિશ્ર પ્રતિસાદ મળ્યો છે. રસ્તા પરથી ગાડીઓ તો ગાયબ છે પરંતુ શાકભાજીના માર્કેટમાં ખુબ ભીડ જોવા મળે છે. 

 

 

કંગનાની આ ટ્વિટ પર એક યુઝરે લખ્યું કે કંગના હવે ગણી ગણીને મહારાષ્ટ્ર સરકાર પાસે બદલો લઇ રહી છે. તો બીજાએ લખ્યું કે લાગે છે કે સંજય રાઉતની ખુરશી પાડીને જ કંગના રાહતનો શ્વાસ લેશે.

 


અનિલ દેશમુખના રાજીનામાં પર નિવેદન

 

એક ટ્વિટર યુઝરે કંગના રાનૌતનો એક વીડિયો શેર કર્યો છે. જેમાં તે કહી રહી છે કે, 'આજે મારું ઘર તૂટ્યુ છે, કાલે તારું ઘમંડ તૂટી જશે, આ સમયનું ચક્ર છે, યાદ રાખજે કે હંમેશા પરિસ્થિતિ સરખી હોતી નથી.' કંગના રાનૌતે તેને રિટ્વીટ કર્યું હતું અને લખ્યું હતું કે, "જે સાધુઓની હત્યા અને સ્ત્રીનું અપમાન કરે છે તેમનુ પતન નિશ્ચિત છે, આ તો માત્ર શરૂઆત છે, આગળ જુઓ શું થાય છે?" આ સાથે અભિનેત્રીએ હેશટેગ સાથે અનિલ દેશમુખ અને ઉદ્ધવ ઠાકરેના નામ લખ્યા છે.

Kangana Ranaut vaccine tweet Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ