બોલીવૂડ એક્ટ્રેસ કંગના રનૌત પોતાના ટ્વિટ્સને લઇને હંમેશા ચર્ચામાં જ રહેતી હોય છે. હવે કંગનાએ અમેરિકા પર નિશાન સાધ્યુ છે.
અમેરિકા પર ભડકી કંગના
ટ્વિટ કરીને કાઢ્યો બળાપો
કોરોનામાં ડર ન ફેલાવો
કંગના પોતાના નિવેદનોને લઇને ઘણીવાર ટ્રોલ પણ થઇ ચૂકી છે પરંતુ તેને કોઇ ફરક પડતો નથી પોતાના પોસ્ટથી તે ઘણી વાર આ વાત કરી ચૂકી છે. હાલમાં તેનુ એક ટ્વિટ ખુબ જ પોપ્યુલર થયુ છે. જેમાં તે અમેરિકા પર ભડકતી નજર આવી રહી છે.
કંગનાનુ કહેવુ છે કે ભારતમાં કોરોનાની સ્થિતિને લઇને અમેરિકામાં ખોટો રિપોર્ટ બતાવવામાં આવી રહ્યો છે. કંગનાએ પોતાની ટ્વિટમાં લખ્યું કે, અમેરિકામાં કોરોનાના નામ પર ભારતની ખોટી તસવીરો ફેલાવવામાં આવી રહી છે. જેનાથી દેશમાં મહામારીને લઇને ગભરામણ અને આતંક વધી રહ્યો છે. કંગનાએ પોતાના ટ્વિટમાં અમેરિકા પર ભડાસ કાઢી છે.
Shame on you USA exploiting 11 months old picture of gas leak and using those dead bodies to spread panic and terror about the pandemic , and what is US views of freedom anyway?Remember what you did to Trump and your own democracy sold in sale to China,shut up now,don’t preach. https://t.co/4JXNIZEcrM
તેણે ટ્વિટ કરીને લખ્યું કે, ગેસ લીકની 11 મહિના જૂની તસવીર અને તે લાશોનો ઉપયોગ કરીને મહામારી વિશે ગભરામણ અને આતંક ફેલાવવા પર અમેરિકા પર શરમ આવે છે. આઝાદી વિશે અમેરિકાના શું વિચારો છે. યાદ રાખકો કે તમે ટ્રંપ સાથે શું કર્યુ અને લોકતંત્રના નામ પર પોતાને જ ચીનને વેચી નાંખ્યુ હતુ, હવે ચૂપ રહો ઉપદેશ ના આપો.
ટ્વિટર ઇન્સ્ટાગ્રામ પર ઉઠાવ્યા સવાલ
બોલીવૂડને નિશાના પર લેતી કંગનાએ ટ્વિટરની નીતિઓ પર સવાલ ઉઠાવવાની સાથે ઇન્સ્ટાગ્રામની નીતિઓ પર પણ સવાલ ઉઠાવ્યા છે. તેણે ટ્વિટ કરીને કમ્યૂનિસ્ટો અને જેહાદીઓનો અડ્ડો ગણાવ્યો હતો અને 2024ની ચૂંટણીમાં ભાજપ માટે ખતરો પણ ગણાવ્યો હતો.
કંગના રનૌતે ટ્વિટર પર 2 ટ્વિટ કરી હતી. તેણે પહેલા ટ્વિટમાં કહ્યું કે, ઇન્સ્ટાગ્રામ ડમ્બ એટલે કે મૂરખ લોકોથી ભર્યુ છે. અહીં આઇક્યુની કમી અસહનીય છે. તેની એક સારી વાત છે કે નાના બિઝનેસને અહીં એક્સપોઝર મળી જાય છે પરંતુ હવે વિપક્ષ તેનો ઉપયોગ પોતાના માટે કરી રહ્યો છે. આ એવા મૂરખ લોકોથી ભર્યુ છ કે જે પશ્ચિમને પ્રમોટ કરે છે અને ભાજપ વિરુદ્ધ નફરત ફેલાવે છે.
કંગના અહીં જ ન થંભી પરંતુ તેણે વધુ એક ટ્વિટ કર્યુ અને કહ્યું કે, રિલ્સ મિડલ ક્લાસ ટીકટોક છે. આ મૂરખોએ કમ્યૂનિસ્ટો અને જેહાદીઓએ હાઇજેક કરી રાખ્યુ છે આ 2024 સુધી ભાજપ માટે ખતરો બની શકે તેમ છે. આ જોકરો જો ફેશનના નામ પર શર્ટ નીચે સાઇકલિંગ શોર્ટ પહેરી શકે છે તો કોઇ પણ વાતે ભ્રમિત કરી શકાય છે.
કંગનાની આ ટ્વિટ બાદ લોકો તેનાથી નાખુશ છે અને તેની વિચારધારા પર સવાલ ઉભા કરી રહ્યા છે. તમને જણાવી દઇએ કે આ પહેલા કંગનાએ ટ્વિટરની નીતિઓને લઇને સવાલ ઉભો કર્યો હતો.
કંગનાએ વેક્સિનને લઇને એવી ટ્વિટ કરી કે તેને ટ્રોલ કરવામાં આવી રહી છે. એક્ટ્રેસ કોઇ પણ વાતે નિવેદન આપવાનુ ચુકતી નથી જેના કારણે તે ટ્રોલિંગનુ કારણ બની જાય છે.